Кучемыште. Проектым – илышыш
25.01.2019
23 январьыште Марий Эл Республикым вуйлатыше Александр Евстифеев паша визит дене Москваште лийын, тушто РФ Тазалыкым аралыме министерствын да РФ Правительствын проект офисшын «Здравоохранений» нацпроект да тушко пурышо федеральный проект-влак дене пашам ыштыме йодыш шотышто совещанийыштышт участвоватлен. Мероприятийыште проект пашам ворандарен колтымо йодышым лончыленыт. Субъектласе кугыжаныш кучем-влакын кӱшыл исполнительный органлаштым вуйлатыше-шамычын совещанийышт РФ Президент пеленсе Российысе калык озанлык да кугыжаныш службо академийыште лийын. Тушто РФ Правительствын Аппаратшым вуйлатышын алмаштышыже Анатолий Кириенком, РФ тазалыкым аралыме министр Вероника Скворцовам да элысе субъект-влакын кӱшыл долностьыштыжо улшо еҥ-влакым колыштыныт. «Здравоохранений» нацпроект куд ийлан палемдалтын. Марий Эл тудын шым направленийже дене пашам ышташ тӱҥалеш. |