|
Козьмодемьянскыште причал лиеш
25.10.2021
Тиде олаште Юл эҥерыште пассажир причаллан
проектым ыштыме паша мучашке лишемеш. Кызыт проектно-сметный
документаций кугыжаныш экспертизым эрта. Сайлан шотлыман иктешлымашым налмек, чоҥымо
да монтаж пашам шуктышо подрядчикым ойырен налме шотышто конкурс увертаралтеш.
Тиде объект Марий Эл Республикым социально-экономически вияҥдыме индивидуальный программе дене келшышын ышталтеш да тўҥ шотышто федеральный бюджетын средстваж кўшеш финансироватлалтеш. Причалым чоҥымо пашан акше – 232,4 миллион теҥге. Объектым чоҥымо дене кылдалтше йодыш-влакым 19 октябрьыште регионым вуйлатыше Александр Евстифеевын эртарыме совещанийыште каҥашыме. Марий Элым вуйлатыше республикым социально-экономически вияҥдыме индивидуальный программе регионын экономикыжым утларак писын вияҥдаш йєным пуа, сандене программыш пуртымо чыла проектым жапыштыже да сайын шукташ кўлеш манын палемден. Козьмодемьынск олаште Юл энерыште пассажыр причалым шушаш ийыште чоҥаш тўҥалаш да 2023 ийыште ыштен шукташ палемдалтеш. Причал стенке деч посна пассажир-влаклан павильон лиеш, кундем тўзаталтеш да волгалтаралтеш. Причал республикын турист-влакым вашлийын кертме куатшым ешарышашлан ышталтеш. Вет але марте кундемыштына капитальный причал лийын огыл, улшыжо телылан поген налалтеш. У причал кеч-могай классан пассажор судным вашлияш йєным пуа. Козьмодемьянскыште причалым чоҥымаш – республикым вияҥдыме индивидуальный программын проектше-влак кокла гыч иктыже. Тудым шукташ тўҥалме жап годсек икмыняр пале сеҥымашке шумо. Тыге, транспортный инфраструктурым вияҥден толмо кышкарыште тений Йошкар-Олаште автовокзалым ышташ тўҥалме да тиде паша уже мучашке лишемеш. Тылеч посна ты прпограммыште республикын рўдолаштыже аэропортын пассажир терминалжым чоҥаш палемдыме. |
Козьмодемьянскыште причал лиеш
