Конкурсыш ушныза

​Марий Элын Молодежный политике, спорт да туризм министерствыже «Марий Эл Республикын молодежный кадровый резервше»  республиканский  конкурсышко ушнышашлан йодмашым 18 март гыч налаш тўҥалын.

Конкурс республикым вуйлатышын  тўҥалтышыж почеш  «Ончыко да кўшкє!»  молодежный форумышто  кумдан каҥашымашын итогшо дене келшышын  эртаралтеш. Тиде форумжо 2018 ий мартыште эртен.

Конкурс сай квалификациян кадр резервым  чумырышашлан, тыгак сай ончыкылыкым сєрышє, шуаралт шушо, вуйлатен моштышо, кўкшє профессиональный шинчымашан самырык еҥ-влакым пален налшашлан, нунылан умбакыже вияҥашшт полшышашлан  кокымшо ий почела правительствын полшымыж дене эртаралтеш.

Конкурсыш кўшыл образований  образовательный организацийлаште специалитет программе почеш 5 курсышто,   бакалавриат але магистратур программе почеш 4 курсышто тунемше  студент, тыгак  кўшыл образованиян улшо, 18 гыч 30 ий марте ийготан  самырык специалист-влак ушнен кертыт.

Йодмаш 2019 ий 15 апрель марте  тыгай адрес дене налалтеш: Йошкар-Ола, Зеленый урем, 1-ше пєрт, Молодежь полат, приемный.