|
Кажныже пайдаланен кертеш
24.01.2020
У технологий
ден корно отрасль материал-влак реестр у электрон ресурсышто чыла кумылан-влак
регистрироватлалт да пайдаланен кертыт. Тидлан анкетым веле возыман. Тудын
адресше тыгай: rnnt.ru.
Кызыт реестрыште 300 утла технологий, данный-влак базыште 162 конструкций, 310 регламентироватлыше корно отрасль документ улыт. Тиде реестрым ыштымаш – «Лӱдыкшыдымӧ да сай качестван автомобиль корно» нацпроектын ик задачыже. Данный-влак базым ыштыме да вӱдымӧ пашам «РОСДОРНИИ» ФАУ шукта. Регион-влак реестрлан, нацпроект дене келшышын, у технологийым кучылташ палемдыме да пайдаланыме годым эҥерташ тӱҥалыт. Тушто технический документаций деч посна экспертный ак, корно сеть состоянийын мониторингше, моло нерген увер-влак улыт. Реестрыш у технологий кум ийлан вераҥдалтеш. Тиде жапыште тудын дене пайдаланыме мониторинг эртаралтеш. Тылеч вара тудын лектышыж шотышто кумда иктешлымаш лиеш. 2024 ий марте транспорт инфраструктурым саемдаш условийым ышташ «РОСДОРНИИ» пелен ӱмаште кеҥежым Компетенций-влак общеотраслевой рӱдер (ОЦК) почылтын. |
Кажныже пайдаланен кертеш
