|
Кажне арнян погынен иктешлат
18.02.2020
Марий
Эл вуйлатыше Александр Евстифеев Россий Федераций правительстве вуйлатышын
алмаштышыже Марат Хуснуллинын эртарыме всероссийский селекторный совешанийышкыже
ушнен.
Тушто «Лӱдыкшыдымӧ да сай качестван автомобиль корно», «Илыме вер да оласе кумдык», «2024 ий жап марте магистраль инфраструктурым шарыме да модернизироватлыме комплексный планын транспорт ужашыже», тыгак тышке пурышо федеральный проект-влак дене кылдалтше йодышлам онченыт. - Ме кажне арнян погынаш да ончылнына шындыме тӱҥ йодыш-влакым каҥашаш, нуным шуктымым иктешлаш, эртыше арнялан отчетым ышташ тӱҥалына, - каласен Марат Хуснуллин. Марий Элыште ӱмаште 117 километр республиканский корным да Йошкар-Ола кумдыкыш пурышо илыме верлаште 18 километр корным шотыш кондымо. «Содействие занятости женщин – создание условий дошкольного образования для детей в возрасте до трёх лет» региональный проект дене келшышын, республикыште вич дошкольный образовательный учрежденийым чоҥымо. |
Кажне арнян погынен иктешлат
