Качестве чот тергалтеш

21 ноябрьыште Марий Элым вуйлатыше Александр Евстифеев республикыште промышленный продукцийын закондымо оборотышто улмыж ваштареш кучедалме шотышто комиссийын заседанийжым эртарен. Тушто фармацевтике, шєр, шыл да колбаса продукцийым закон дене келшыдымын ыштен лукмо да ужалыме дене кылдалтше  йодыш ден проблемылам каҥашеныт.

Тазалыкым аралыме сферыште  надзор шотышто федеральный службын Марий Элысе пєлкажым вуйлатыше Владимир Гладнев  тений ятыр аптекым да  индивидуальный предприниматель-влакым  план почеш тергыме нерген  каласкален.  Чыла эм тергымашым сайын эртен, шоя да контрафакт препаратым мумо огыл.

Шєр продукций перерабатыватлыше, торговльо, общественный питаний  предприятийлаште да социальный  сферысе  учрежденийлаште тергалтеш. Утларак вес кундемла гыч кондымым  тергыме годым гына ондалчык продукцийым верештме.  Пытартыш ийлаште шкенан дене ыштен лукмо кочкыш продуктышто фальсификатым кум гана веле мумо, каласен Роспотребнадзорын республикысе управленийжым вуйлатыше Светлана Булатова. Марий Элыште шыл сатун качествыже сай, палемден докладыштыже Ветеринар да фитосанитар  надзор шотышто федеральный службын Марий Элысе  управленийжым  вуйлатышын алмаштышыже  Ольга Кельмяшкина.

Марий Элым вуйлатыше Александр Евстифеев тергыме пашалан ончыкыжат кугу тўткышым ойыраш кўштен.