|
Каҥашымаште – илыме вер
17.03.2020
13 мартыште Марий
Элым вуйлатыше Александр Евстифеев Россий Федераций правительстве
председательын алмаштышыже Марат Хуснуллинын эртарыме всероссийский селектор
совещанийыште участвоватлен.
Тушто «Илыме вер да оласе среда» национальный проектым да тудын составышкыже пурышо «Илыме вер», «Ипотеке», «Олаште йӧнан средам ыштымаш», «Илаш йӧрдымӧ илыме вер фондым ўшанлын шагалемден толаш йӧным ыштымаш» федеральный проект-влакым илышыш шыҥдарыме нерген мутланыме. Марий Элыште тений январь-февральыште 43,9 тўжем кв.метр илыме верым пашаш колтымо, тидыже ўмашсе тыгаяк жап дене таҥастарымаште 168,3 процент лиеш. Кызыт республикын Минстройжо «Илыме вер» федеральный проект дене келшышын Апшакбеляк ялыште, Йошкар-Олаште шуко йочан еш-влаклан индивидуальный илыме верым чоҥаш ойырымо мланде участкылашке автомобиль корным, Йошкар-Олаште Киров урем деч Петров урем марте ужашыште Ураев уремыште да Воин-интернационалист урем деч Шернур тракт марте ужашыште Петров уремыште корным ышташ ямдылалтеш. 2019 ийыште Марий Элыште «Олаште йӧнан средам ыштымаш» проект дене келшышын 121 кундемым, тидын шотыштак 75 кудывечым да 46 общественный кундемым тўзатыме. Тидлан чылаже 206 миллион теҥгем кучылтмо. Ӱмаште тыгак Звенигово олаште Юл эҥер серым тўзатыме. Тиде паша 2018 ийыште оласе йӧнан средам ыштыме шотышто Всероссийский конкурсышто сеҥышыш лекше «Набережная – душа г.Звенигово» проект почеш шукталтын. Тений 87 территорийым, тидын шотыштак 36 кудывечым да 51 общественный кундемым, тўзаташ палемдалтеш. Кызыт тиде проектым шуктымашке ушнышо муниципальный образований-влакын администрацийышт тўзатыме пашам шукташ подрядный организаций-влакым рашемдышашлан торгым эртарат. «Илаш йӧрдымӧ илыме вер фондым ўшанлын шагалемден толаш йӧным ыштымаш» федеральный проект нерген ойлаш гын, тиде программын 2019-2020 ийлаште шукталтшаш икымше этапыштыже 4 муниципальный образованийыште – Йошкар-Олаште, Звенигово, Медведево да Советский районлаште – еҥ-влакым аварийный илыме вер фонд гыч вес верыш кусараш палемдалтеш. Чылаже 10825 кв.метр аварийный илыме верым пытараш да 748 еҥым вес верыш илаш кусараш кутырен келшыме. 2020 ий 12 мартлан икымше этапыште 211 еҥым вес верыш илаш кусарыме, 2563,3 кв. метр аварийный илыме верым пытарыме. Тений республикыште «Лўдыкшыдымӧ да сай качестван автомобиль корно» национальный проектын кышкарыштыже 128,233 километр региональный ден межмуниципальный значениян автомобиль корным уэмдаш, олмыкташ да капитально олмыкташ палемдыме. Йошкар-Ола кумдыкышто 15,633 километр урем ден корнылам олмыктыман. |
Каҥашымаште – илыме вер
