Марий Эл вуйлатышын пашажым жаплан шуктышо Юрий Зайцев 2023 ий февраль марте экзамен комиссийыште тыршыше туныктышо, тыгак технический специалист да ассистент-влаклан компенсаций выплатым кугемдыме шотышто йодышым рашемдаш кӱштен.
Республикын правительствыштыже эртыше оперативный совещанийыште регионын образований да науко министрже Лариса Ревуцкая тенийысе экзамен кампанийын ончылгоч ыштыме иктешлымашыж дене палдарен. Тудын мутшо почеш, выпускник-влаклан шинчымашым тергаш чыла условий ышталтын. «Экзамен-шамыч утыр да утыр технологияныш савырнат. Мутлан, информатике, йот йылме предметлаште устный ужаш уло. Пашаеҥ-шамычым туныктымо шотышто кӱлешан паша ышталтеш. Экзаменым эртарыме кажне пунктышто онлай-видеоэскерымаш системе лийын. Шинчымашым тергыме кампаний сайын эртен», – каласен министр.
Иктешлыше кугыжаныш экзаменым кучышо-влак кокла гыч шукынжо Российын Федерацийын вузлашкыже тунемаш пураш ситыше баллым погеныт. Ончылгоч шотлымаште, республикыште экзаменым 100 баллан лу выпускник кучен.
Марий Эл Республикым вуйлатышын организаций да аналитике виктемжын уверже-влак негызеш Г.Кожевникова ямдылен
