Илышыш кузе пурталтмым рашемденыт

Марий Эл вуйлатыше Александр Евстифеев РФ финанс министр Антон Силуановын нацпроект-влакым илышыш пуртымо шотышто видеоконференций йӧн дене эртарыме совещанийышкыже ушнен.

Ушештарена, республикыште 53 региональный проектым пеҥгыдемдыме, тышеч 49 тений гыч илышыш пурталтеш. 22 проект шотышто ты ийлан федеральный бюджет гыч межбюджетный трансферт окса пурышаш.

Регионысо проект-влакым илышыш шыҥдараш 2019-2024 ийлаште 54 миллиард утла теҥгем кучылташ палемдалтеш. Тений ты пашалан 7,5 миллиард теҥге ойыралтшаш.