Икшырымын шукталтеш

19 февральыште Марий Эл Республикым вуйлатыше Александр Евстифеев Россий Федераций Правительствын председательже Дмитрий Медведевын селектор связь полшымо дене эртарыме совещанийыште участвоватлен. Тушто элын субъектше-влакын пеҥгыде коммунальный шўкшакым погымо да шупшыктымо у системыш куснен толмышт нерген мутланыме.

Российын премьер-министрже совещанийым почмыж годым тыге палемден: федеральный рўдер реформым пайдалын эртарышашлан кўлшє чыла мерым ыштен, ынде палемдымым шуктымо шотышто кугу ответственность субъект-влакын вуйлатышышт ўмбак возеш, нунылан тидын шотышто пеш кумда полномочийым пуымо. Дмитрий Медведев регион вуйлатыше-влакым лыпланыде пашам ышташ, тиде йодышлан эреак кугу тўткышым ойыраш ўжын.

Кызытсе задаче тыгай: отрасльым у семын пашам ыштымашке кусараш кўлеш, тидын годым шўкшакым шупшыктымылан акым амал деч посна чот кугемдымашке шуктыман огыл. Тиде темылан поснак кугу тўткышым ойырыман, мутат уке, Федеральный антимонопольный службат тыште чот тыршышаш. Южо регионышто пенсионер, инвалид, шуко йочан еш-влаклан льготан тарифым палемден шуктеныт. Тиде – сай ошкыл. Губернатор-влакым тыгай примерым шотыш налаш ўжмє шуеш, каласен РФ Правительствым вуйлатыше.

Тудо тыге ешарен: шўкшакым шупшыктымылан тарифым 2023 ий марте жаплан кугемдаш чарыме, тидыже еҥ-влаклан логалше тариф нагрузкым иземдаш йєным пуышаш.

Премьер-министр субъект-влакын вуйлатышыштым шўкшакым погымо да шупшыктымо у системыш куснымо шотышто юватылде пашам ышташ ўжын. Тудо у системыш 85 регион кокла гыч 70 кундемже куснен манын ушештарен.

Верлаште ойлышо-влакын шомакыштым колыштмек, Дмитрий Медведев шўкшакым погымо да шупшыктымо у системыш куснымо жапым палемдышаш законодательствыш могай вашталтышым пурташ кўлмє нерген шоналташ совещанийын участникше-влакым ўжын.

Марий Эл нерген ойлаш гын, республикыште у системыш куснымо паша кўрылтыш деч посна шукталтеш. Коммунальный шўкшакым погымо да шупшыктымо у системыш куснышашлан кўлшє пўтынь нормативный правовой негызым ямдылыме да пеҥгыдемдыме. Республикыште у системыш куснымо йодышым Марий Эл Правительстве эреак пеҥгыде контрольышто куча, паша арня еда иктешлалтеш.