|
Госдумо депутат дене вашлийын
24.04.2014
Марий Элым вуйлатыше Л.Маркелов республикыш ик кечаш паша визит дене толшо Кугыжаныш Думо депутат, илыме вер политике да илыме вер ден коммунальный озанлык шотышто комитетын членже В.Булавинов дене вашлийын.
Кугыжаныш Думо депутат «Единый Россий» партийын Юл кундем регион-влак кокласе координационный советшым вуйлатыше семын тений сентябрьыште эртышаш сайлымашлан республикын ямдылалтмыжым аклаш толын. «Регионда сайын вияҥ толеш, тидыже мыланем келшыш, - манын тудо. – А сайлымашлан ямдылалтме шотышто ойлаш гын, чыла регионак огыл ончылгоч эртарыме сайлымашын (праймериз) тыгай корныжым ойырен налын. Тендан дене кажныжат, тудо партийын членже але тыглай еҥ, кандидат-влак кокла гыч кудыжо сайлымаште участвоватлаш утларак келшен толеш –решатлен кертеш. А теве тендан пошкудыда, Татарстан Республик, вес корно дене каен: тидым партий член-влак веле ыштен кертыт».Вашлиймаште республикысе «единоросс-влакын» пашашт, калык дене кылым ыштыме дене кылдалтше йодышлам каҥашеныт. Журналист-влак-лан интервьюштыжо Л.Маркелов палемден: тудо ик гана веле огыл политический спискыште икымше верым айлен, ӱшанат гын, кызытат тидым ышта. «Республикыште мо ышталтеш гын, чылажат партийный организаций дене пырля, - манын тудо. – Эн чолга еҥ-влак экономикын реальный секторжын, социальный учреждений-влакын вуйлатышышт улыт. Чыланат «Единый Россий» партийыште шогат. Сайлымаш площадкым ме утларак йӱкым погаш да сеҥаш огыл, а регионым вуйлатымашке утларак тале еҥ-влакым ушаш кучылташ шонена». В.Булавинов республикыште ужын коштмыж нерген шке шонымашыжым ойлен. Тудлан олана, поснак рӱдыжӧ да Изи Какшан сер, келшеныт.
Марий Эл Республик Вуйлатышын мер кыл ден увер виктемже Кусарымаш - Л.Иванова (газет "Марий Эл") |
Госдумо депутат дене вашлийын
