«Газпромын» полышыжо

30 августышто Марий Элын правительствыж ден Элыш «Газпром трансгаз Нижний Новгород» ООО коклаште Волжский районысо Приволжский посёлкышто физкультурно-оздоровительный комплексым  (ФОК) чоҥен шуктышашлан оксам ойырымо нерген соглашениеш кидым пыштыме. Документеш подписьым республикым вуйлатыше Александр Евстифеев ден компанийын генеральный директоржо Вячеслав Югай шынденыт.

Тиде документ дене келшышын, ФОК-ын проектно-сметный документацийжым келыштараш да чоҥен шукташ республиклан чылаже 145,5 миллион теҥгем пєртылталтде колташ палемдыме.

ФОК-ым чоҥен шуктымо да республикыште газым умбакыже пуртымо йодышла дене эртарыме совещанийыште Марий Элым вуйлатыше кундемлан тўткышым ойырен шогымыштлан «Газпром» ПАО-н правленийжын председательже Алексей Миллерлан да «Газпром трансгаз Нижний Новгород» ООО-н генеральный директоржо Вячеслав Югайлан таум каласен.