Республик вуйлатыше Юрий Зайцев Антитеррористический комиссийын да Марий Элыште оперативный штабын черетдыме заседанийжым эртарен.
Тушто террористический акт лийын кертме объект-влакым тыгай туткар деч аралыме, тыгак тудым шижтарыме шотышто ешартыш мерым ыштышаш, исполнительный кучем федеральный орган-влакын территориальный органыштын да Марий Элысе исполнительный кучем орган-влакын контртеррористический операцийым эртараш ямде лийшаш улмышт нерген йодышлам каҥашеныт.
Марий Эл вуйлатышын палемдымыж почеш, кызытсе условийыште республик кумдыкышто терроризм да экстремизм дене кучедалмаш региональный ден муниципал учреждений-влакын, тыгодым эн ончычак правам аралыше орган-влакын ик эн тӱҥ задачышт.
Пырля эртарыме заседанийыште здравоохранений, образований, спорт, тӱвыра, религий, ужалымаш, социальный да транспорт инфраструктур, промышленность, топливно-энергетический комплекс объектлам терроризм лийме деч утларак аралаш кӱлмӧ мере-влакым палемденыт. Заседанийын участникше-влак посна еҥ-влакым нунылан терроризм ден неонацизм шонымашым шыҥдарыме ваштареш профилактике пашам эртараш кӱлмӧ нерген ойленыт.
Марий Эл вуйлатышын пресс-службыжын уверже негызеш Л.Камалетдинова ямдылен
