Ешартыш шийвундо лиеш

​Тудым Кугыжаныш Погын председатель Юрий Минаков вўден. Каҥашыме тўҥ йодыш «2018 ийлан да 2019 ден 2020 ийласе плановый жаплан Марий Эл Республикын республикысе бюджетше нерген» законыш вашталтышым пуртымо дене кылдалтын.

Сессийын пашашкыже Марий Эл Республик вуйлатышын полномочный представительже, министр Н.Коротков, республикын прокуроржо С.Беляков, Марий Эл Республикын Кугыжаныш счетный палатыжын председательже С.Каргальский да молат ушненыт.

Ты заседанийлан ямдылалтме амал дене Депутатын кечыже, Кугыжаныш Погын Президиумын да комитет-влакын заседанийышт эртеныт. Тушто Марий Эл Республик вуйлатышын пуртымо вашталтышыже-влакым каҥашеныт. Сессийыште темлыме нине вашталтыш-влак дене финанс министрын пашажым жаплан шуктышо А.Торощин палдарен.

Темлыме вашталтыш почеш, республикын 2018 ийысе парыш ден роскотшым федеральный бюджет гыч пурышо шийвундо кўшеш 500,3 миллион теҥгелан кугемдыме. Лачшымак, бюджет-влакым иктєр кучымо, граждан-влаклан кўкшє технологиян медицине полышым пуымо годым роскотым петыраш манын, субсидийым, посна категорий граждан-влаклан эмлыме препаратым ситарыме шотышто социальный услугым пуымо субвенцийым балансироватлыме дотаций кугытым ешарыме.

Граждан-влакын йодмашышт шагалеммылан кєра кажне тылзын кумшо але утларак азам ыштымылан палемдалтше окса субсидий кугыт иземеш. Тыгак обязательный огыл социальный страхований радамыш пурыдымо лица-влаклан кугыжаныш пособийлан, пашадыме граждан-влаклан да посна категорий лица-влаклан илымевер да коммунальный услугылан тўлаш социальный выплате шотышто полномочийым шуктышашлан субвенций шагалрак ойыралтеш.

Бюджетын роскот ужашыштыжат Марий Эл правительствын пунчалже негызеш посна раздел-влак дене кылдалтше ассигнованийым кусаркалыме. Мутлан, пашадарлан да обязательный социальный страхований почеш бюджет сферыште ыштыше-влакын взносыштым тўлаш, учреждений-влакын пашаеҥыштлан обязательный социальный страхований почеш взносышт шотышто кредитор парымыштым петыраш, тыгак кугыжанышын обязательствыже почеш теплоэнергоре-сурслан да моло выплатым шєраш республикын бюджетыштыже резервироватлыме окса кугыт ешаралтеш.

Кўлешлык укелан кєра Бюджет нерген законын южо посна положенийже-влакым вийдымылан шотлымо.

Муниципальный образований-влаклан окса полышым кугемдыме: оласе кумдыкым тачысе илышлан келшен толшын тўзатыме шотышто всероссийский конкурсышто сеҥымылан кєра проектым шыҥдараш полшаш Звенигово оласе поселенийын бюджетшылан дотацийым; школ деч ончычсо да общий образованийым, тыгак муниципальный общеобразовательный организацийлаште йочалан ешартыш образованийым налаш правалан илышыш шыҥдаралташ кугыжаныш гарантийым шукташ субвенцийым; гражданский состояний акт-влакым кугыжаныш велым регистрироватлыме шотышто кугыжаныш полномочийым шуктымо субвенцийым.

Тыгак верысе кучем орган-влакын пашаштым саемден колташ кумылаҥдыме амал дене грант-влакым ойырымо шотышто средствам палемдыме.

Марий Эл Республикын бюжетшын дефицитшым финансироватлыме источникын чумыр кугытшо 2018 ийысак кодеш. Депутат-влак республикын бюджетышкыже темлыме вашталтыш ден законым-влак пеҥгыдемдыме верч йўкленыт.