Энергетик-влак вўдшорлан ямде улыт

Марий Элым вуйлатыше Александр Евстифеев 3 апрельыште Рўдє да Юл кундем МРСК-н генеральный директоржын алмаштышыже - «Мариэнерго» филиалын директоржо Дмитрий Федоров дене вашлийын мутланен. Нуно компанийын кызытсе паша лектышыжым да ончыкылык задачыжым каҥашеныт. Вашлиймаште кундемын электросетевой комплексшым вияҥдыме да энергетикын объектше-влакым уэмдыме нерген мутланыме. Тушто тыгак филиалын вўдшор жапыште пашам ышташ ямдылалт шумыж нерген мут лектын.

Теле эртен кайыш, ты жапыште те сайын пашам ыштенда. Ончылно – вўдшор. Мый палем: те ученийым эртаренда, тудо ончыкыжымат нимогай кўрылтыш деч посна пашам ыштен кертмыдам ўшандарен ончыктен. Вўдшор жапыште энергийым ситарен шогымаште нимогай кўрылтыш лийшаш огыл, тидыже республикын экономикыжланат, калыкланат пеш кўлешан, палемден Марий Элым вуйлатыше.

Рўдє да Юл кундем МРСК-н генеральный директоржын алмаштышыже - «Мариэнерго» филиалын директоржо Дмитрий Федоров шыже-теле жап технологический экшык деч посна эртыш манын каласен. Тудо электроэнергийым ситарен шогымаште кўрылтыш лиймым 30 процентлан шагалемден кертмым таҥастарен лончылымо негызеш пеҥгыдемден ончыктен.

Ме электроэнергийым ситарен шогымаште кўрылтыш лийме кокла жапым кўчыкемденна. Кызыт тиде жап ик шагат нарыш погына. Тылеч посна потребительна-влакын электроэнергийым налын кертдыме жап кўчыкемын. Мемнан дене 393 еҥ але 63 бригаде эреак дежуритла, кўлеш лийме годым чыла ресурс да спецтехнике пашаш колталтеш. Чыла тидыже, тыгак ямдылалтме мероприятий-влак да системе почеш пашам ыштымаш шыже-теле жапым кугу технологический экшык деч посна илен лекташ полшеныт, каласен Дмитрий Федоров.

Штабной учений шошымсо вўдшорлан энергетик-влакын ямде улмыштым пеҥгыдемден ончыктен. Вўд ташлыме жап шумылан кєра энергетик-влак лўдыкшыдымылык мерым шукташ кўлмым республикысе калыклан ушештарат, каласен «Мариэнерго» филиалын директоржо.