Эн сай районым рашемдат

Кугу Сеҥымашлан 75 ий темме идалыкыште региональный кучем-влак калыкым патриотизм шўлышеш куштымо пашаште ойыртемалтше эн сай район-влакым рашемдат. 21 августышто «Марий Эл – чулым еҥ-влакын территорийышт» мер тўҥалтышлан полшымо движенийын кумшо форумыштыжо ойлымыж годым тидын нерген Марий Эл вуйлатыше Александр Евстифеев каласен.

Погынышо-влакым саламлен ойлышыжла, тудо тиде вашлиймаш Российын Кугыжаныш флагшын кечыж вашеш эртымым символ семын аклен. Тудо тыге палемден: ты пайрем тукым-влак кокласе духовный кылым да национально чак чумырген шогымашым пеҥгыдемдыше утларак да утларак кугу значениян мер-политике событийыш савырна.

Муниципальный активист-влакын пашашт нерген ойлымыж годым Александр Евстифеев Кугу Отечественный сарыште калыкын пеш кугу подвигше нерген исторический шарнымашым арален кодымашке виктаралтше инициативе-влакын чотышт эреак ешаралтеш манын каласен.

Тиде теме августысо педсоветыште каҥашымаште ик эн тўҥ йодышыш савырнышаш. Кугу Сеҥымаш икымше да тылеч варасе моло урокыштат талук мучко мондалтшаш огыл. Лишыл кечылаште муниципальный образований-влакын администраций вуйлатышыштым лўмын погаш шонем. Тушто республикысе эн сай район лўм верч конкурсым увертарена. Тиде конкурсышто аклыме тўҥ показательыш патриотизм шўлышеш воспитатлыме паша, Сеҥымаш кечылан ямдылалтмаш, памятник-влакым тєрлымаш да эн ончычак ветеран-влакым аклымаш савырнат, каласен республикым вуйлатыше.

Тудо тыге ушештарен: Россий Федераций Президентын Указше дене 2020 ийым элыште Шарнымаш да чап идалык семын увертарыме.

Тылеч ончычсо форумым эртарыме деч вара 9 тылзе утларак гына эртен гынат, Мер тўҥалтышлан полшымо движений палынак вияҥын да кумдаҥын, тушко ушнышо-влакын чотышт чотак кушкын. Ончычсо форумышто 100 представитель гына лийын гын, таче чыла муниципальный образований гыч 300 участник толын. Республик кўкшытысє вашлиймаш деч ончыч верлаште форум-влак эртеныт. Чылаже 139 проектым ончаш лукмо. Тышеч эн сайжым ты кечын республикым вуйлатышылан ончыктеныт. Икымше форумышто патриотический паша, социальный сферыште полышым пуэн шогымо, ола ден яллаште йєнан средам ыштыме шумлык проект-влак ончыкталтыныт гын, таче нунын дек физкультур ден спортым, туризмым вияҥдыме, национальный культурым арален кодымо, пўртўсым аралыме шотан да моло сынан проект-влак ушненыт.

Мер тўҥалтышлан полшымо движенийын III форумыштыжо кажне муниципальный образований деч 17 проектым ончаш лукмо. Кажныже мо дене гынат ойыртемалтын.

Республикым вуйлатыше форумыш погынышо-влаклан «Калыкын шарнымашыже» номинацийыште тауштыман письмам кучыктен. Тыгай письма дене Кужэҥер районышто илышыш шыҥдарен толмо «Шарнымаш жап деч виянрак» проектын авторжо Марина Горинова, Курыкмарий районышто шуктен толмо «Кожваж села – Сеҥымашын 75-ше идалыкшылан ямдылалтме шотышто инициативым да чулымлыкым ончыктымо кундем» проектын авторжо Леонид Иванов да Юрино районышто шукталтше «Шарнымашан ырес» проектын авторжо Наталья Иванова палемдалтыныт.