Элым аралыше тўҥ вий

Торжественный погынымаш Г.Константинов лўмеш Академический руш драме театрыште эртен. Погынышо-влакым Александр Евстифеев саламлен.

1959 ийыште ышталтше ракетный войска элын вооружённый вий-куатшым пеҥгыдемдымашке кугу надырым пыштен, палемден республикым вуйлатыше. Россий Вооружённый вийын верховный главнокомандующийже Владимир Владимирович Путин Стратегический кўлешлыкан ракетный войскам элым аралыше вийын негызшылан шотла. Эн ончычак лач тудо элын суверенитетшым гарантироватла, каласен Россий Федерацийын президентше.

Єрдыж гыч чот темден шогат гынат, элна ўшанлын вияҥеш. Военный сфере эреак уэмын толеш, эл кызытсе жаплан келшыше у вооруженийыш кусна. Тынысле илышыште нацпроект-влак сайын шукталтыт. Шушаш ийыште Кугу Отечественный сарыште Сеҥымылан 75 ий темеш. 2020 ийым Российын президентше Шарнымаш да чап идалык семын увертарен. Самырык тукымым военный патриотизм шўлышеш шуарен куштымаш республикын правительствыжын ик эн кўлешан пашажлан шотлалтеш. Тиде пашаште дивизийын ветеранже ден военнослужащийже-влакат чулымын участвоватлат, палемден Александр Евстифеев.

Республикым вуйлатыше Кутузов орденан Киевско-Житомирский 14-ше ракетный дивизийын личный составшылан боевой дежурствышто патырлыкым ончыктымыжлан да пеш кўлешан кугыжаныш задачым тыршен шуктымыжлан таум каласен. Тудо дивизийын ветеранже-влаклан поснак чот тауштен ойлен.

Республикыште военно-патриотический мероприятийлам эртарымашке надырым пыштымыжлан 34096 войсковой частьын командирже Виталий Тарасовлан «За заслуги перед Марий Эл» орденын медальжым кучыктен.

Марий Эл Республик правительствын почётан грамотыж дене 34096 войсковой частьын командиржын алмаштышыже Сергей Александров, 48404 войсковой частьын командирже Алексей Куклин, 93876 войсковой частьын командирже Михаил Гагарин, 05203 войсковой частьын начальникше Евгений Крысов палемдалтыныт.