Кутузов орденан Киевско-Житомирский ракетный дивизийыште службо эртымым, личный составын канымыжым да тусо илышым ончен лектын.
Ракетчик-шамыч дене вашлиймыже годым Ю.Зайцев регионыштына 779 ракетный полкын «Тополь» подвижной грунтовой ракетный комплекс дене боевой дежурствым тӱҥалмыжлан 37 ий теммым палемден. Ты жап гыч полкышто, пӱтынь ракетный дивизийыште, у илыш тӱҥалын.
– Тиде ийлаште боевой технике уэмдалтын, дивизий тачысе саманлан келыштаралтше «ушан» ракетыла дене пойдаралтын. 2016 ийыште ракетный полк «ЯРС» подвижной грунтовой ракетный ӱшанле комплекс дене боевой дежурствыш лектын. Боевой управлений ден связьын расчётный системыже ончылан шындыме задачым кӱчык жапыште шуктен. Тыгодым воин-ракетчик-шамычат профессионал улмыштым ончыктеныт, – палемден регион вуйлатышын пашажым жаплан шуктышо.
Юрий Зайцев ракетный дивизийысе военнослужащий-влакын самырк тукымым патриот шӱлышеш воспитатлымашке чолган ушнымыштым, Украиныште военный операцийыште боевой задачым сайын шуктымыштым палемден.
– Лач стратегический назначениян ракетный войска-влакын эреак боевой дежурствышто лиймыже да Россий президентын боевой задачым шукташ эреак ямде лияш кӱлмӧ приказшым шукташ ямде улмышт – элнан лӱдыкшыдымылыкшым аралымаште ӱшан, – манын Юрий Зайцев.
Дивизийын командирже полковник Олег Тетеркин ракетчик-шамычын элнан лӱдкшыдымылыклан вуйын шогымыштым палемден.
– Командований да соединенийын личный состав лӱм дене, тыгак шке гыч Мучашлан майор Юрий Зайцев 34096 №-ан войсковой частьын военнослужащийже-шамычлан наградым кучыктен. Военно-патриотический мероприятийлам эртарымыжлан кадр отделын начальникше Юрий Кадочниковлан, материально-технический обеспечений шотышто батальон командир майор Александр Ретинскийлан Марий Эл правительствын почётан грамотыжым кучыктеныт. командиржын военно-патриотический паша шотышто алмаштышыже военно-политический отделенийын начальник, полковник Алексей Морачевлан, охране да разведке батальонын командирже подполковник Сергей Филимоновлан Марий Эл вуйлатышын тауштымашыжым увертарен.
Марий Эл Республик вуйлатышын организаций да аналитике виктемын уверже негызеш Е.Эшкинина ямдылен
