«Демографий» нацпроект пашаште: республикыш 17 автомобиль толын

Республикыште кугу ийготан еҥ-влакым медицине организацийлашке шупшыкташ ынде 17 у автомобильым кучылташ тўҥалыт. 5 августышто машина-влакын сравочыштым социальный обслуживаний учреждений-влакын еҥыштлан Марий Элым вуйлатыше Александр Евстифеев кучыктен.

Мемнан республикыште тиде транспорт Российын Президентше Владимир Путинын пунчалже почеш шукталт толшо «Демографий» национальный проект да «Кугурак тукым граждан-влаклан системный полышым пуымо да нунын илыш качествыштым саемдыме шотышто «Кугурак тукым» программым ямдылымаш да илышыш шыҥдарымаш» региональный проект дене келшышын толын.

«Кугыжанышым вуйлатыше кугурак тукым еҥ-влаклан достойный илыш условийым ыштыме йодышым тєрлымє пашан пўтынь обществыланна пеш кўлешан улмыж нерген ик гана веле огыл ойлен. Вет лач нуно сар деч варасе неле ийлаште элым йол ўмбак шогалтеныт, экономикым, образованийым, социальный сферым вияҥден колтеныт. «Кугурак тукымын кузерак илымыжым ончен, – каласен президент, – кугыжанышын могай пайдалык дене пашам ыштымыжымат, обществын могай моральный состоянийыште улмыжымат аклаш лиеш». Пеш чын каласыме. Национальный проектлан кєра илалше еҥ-влакым медицинын йєнжє дене обслуживатлыме паша у кўкшытыш нєлталтеш. Республикыште икымше гана 17 «мобильный бригаде» ялыште илыше шоҥгыеҥ-влаклан медицине учрежденийлашке юватылде да ласкан миен кошташышт полшаш тўҥалеш», – каласен Марий Элым вуйлатыше погынышо еҥ-влакым саламлен ойлымыж годым.

Начар корныштат коштын кертше ЛАДА «Ларгус» 8 автомобиль, ГАЗ «Соболь» 9 автомобиль деч сравочым Йошкар-Оласе, Волжский, Курыкмарий, Звенигово, Килемар, Кужэҥер, Марий Турек, Медведево, Морко, У Торъял, Оршанке, Параньга, Шернур, Советский, Юрино районласе калыкым социально обслуживатлыше комплексный рўдер-влаклан пуымо. Нуным налаш федеральный бюджет гыч республикылан 15.8 миллион теҥге ойыралтын.