Чылажат калык лÿмеш

Марий Элым вуйлатыше Александр Евстифеев Россий правительстве председательын алмаштышыже Дмитрий Чернышенко ден РФ президентын Юл кундем федерал округышто полномочный представительже Игорь Комаровын субъект вуйлатыше-влаклан социально-экономически вияҥме йодыш дене эртарыме совещанийыште лийын. Совещаний Россий правительствын координаций рӱдерыштыже видеоконференций йӧн дене эртен.

Регионласе проект-влакым аралыме деч ончычсо каҥашымаш лийын. Доклад дене Башкортостан, Татарстан, Самара да Нижегородский область-влакын вуйлатышышт выступатленыт.

Дмитрий Чернышенко палемден: регион-влак кок арня жапыште кугу пашам шуктеныт. Социально-экономически вияҥме шотышто кызытсе диагностикым ыштыме, Россий правительстве председательын пуымо заданийжылан келшышын, эн  сай проект-влакым ойырен налме.

«Таче ме сай тӱҥалтышым ыштыше паша вариант-влакым ончена, нуно субъектлаште еҥ-влакын илыш условий качествыштым саемдымашке виктаралтыныт. Чыла проект мемнан гоч эртышаш улыт. – каласен Дмитрий Чернышенко.

Игорь Комаров проект-влакым ойырен налме шотышто подход-влакым темлен, единый увер базым чумыраш ойым ыштен.   

Вице-премьер проект-влакым ныл критерий почеш аклаш темлен. «Икымше – проектын социально-экономически вияҥмашлан комплексный влиянийым ыштымыж шотышто эксперт-влакын йӱклымашышт. Кокымшо – еҥ-влакын аклымышт. Кумшо – Экономически вияҥмаш министерствын акше. Нылымше – профильный вице-президентын шонымашыже. Мутлан, инфраструктур проектым Марат Шакирзянович Хуснуллин дене пырля ямдылаш тӱҥалына, тазалыкым аралыме але демографий дене кылдалтше социальный проект гын – Татьяна Алексеевна Голикова дене», – каласен Дмитрий Чернышенко.

Марий Элыште проект-влакым ямдылыме годым Россий правительстве пеленсе Аналитике рӱдерын темлымыжым шотыш налме. «Юл кундемым социально-экономически вияҥдыме кураторство» проектым илышыш шыҥдарыме да материал-влакым ямдылыме шотышто пашаче группым ыштыме.

Марий Эл вуйлатышын кӱштымыж почеш, кызытсе ситуацийлан анализым эртарыме, базовый фактор-влакым палемдыме, эн ончыч илышыш шыҥдарышаш проект-влакым рашемдыме. Тидын деч посна калыкын илыме условийжым качество могырым икшырымын саемдышашлан, экономикым вияҥдыме кӱкшытым писемдышашлан республикын правительствыже 2030 ий марте регионым вияҥдыме шотышто фронтальный  стратегийым ямдылен. Тиде стратегий почеш экономикым вияҥдыме 200 утла точкым палемдыме. Нуным республикым социально-экномически вияҥдыме индивидуальный программе, национальный проект да моло мероприятий кӱшеш илышыш шыҥдараш лийме. Тылеч посна бюджетын доход ужашыжым шукемдаш, социальный сферым умбакыже вияҥдаш виктаралтше 90 наре инвестиций проектым ямдылыме.