Чыла паша кўрылтыш деч посна шукталтеш

5 апрельыште Марий Элым вуйлатыше Александр Евстифеев паша дене Москваште лийын, тушто «Национальный проект-влак – илышыш шыҥдарыме жап» форумын пашаштыже участвоватлен.

Мероприятий проект пашам виктарен колтымо да национальный проект-влакым шукташ информационный йєным ыштыме йодыш-влаклан пєлеклалтын. Форумыш погынышо-влак кокымшо кечын Россий Федераций правительствын председательже Дмитрий Медведевын вуйлатымыж почеш национальный проект-влакым шуктымо шумлык мутланеныт да кўлешан пунчалым луктыныт.

Тиде форум деч ончыч Марий Эл правительствыште национальный проект-влакым шукташ кузерак ямдылалт шумым каҥашеныт. Тўҥ шотышто «Лўдыкшыдымє да сай качестван автомобиль корно» ден «Илыме вер да оласе среда» нацпроект-влак нерген мутланыме.

Александр Сальниковын мутшо почеш, Россий Минтранс дене чыла кўлешан соглашенийым ыштыме. Кызыт ямдылалтме мероприятий-влак умбакыже эртаратлтыт: проектно-сметный документаций ышталтеш, торгым эртарышашлан конкурсный процедурым эртарыме нерген увертарыме, тушто сеҥышыш лекше-влак дене контрактым ышташ палемдалтеш.

Строительстве, архитектур да ЖКХ министр Михаил Леонтьев тений Марий Элыште «Илыме вер да оласе среда» нацпроект шукталташ тўҥалеш манын увертарен. Аварийный илыме вер шотышто чумыр федеральный роскот ужаш 3,5 миллиард теҥгеш шуэш. 2019 ийыште нацпроектын икымше ужашыжым шуктымо жапыште республик 330 миллион теҥгем налеш, тылеч варасе ийлаште финансирований кугыт эшеат ешаралтеш, палемден министр.

Республикын финанс министржын пашажым жаплан шуктышо Алексей Торощин корно фондлан окса жапыштыже ойыралтеш, икымше кварталын итогшо почеш доход палемдыме деч 120 миллион теҥгелан шукырак пурен манын увертарен. Аварийный илыме вер шотышто программым софинансироватлыме нерген ойлаш гын, тўҥалтыш жапыште региональный вложенийын ужашыже 8 процент лиеш, тидыже республикылан келшен толшо кугытлан шотлалтеш. Чыла паша жапыштыже шукталтеш, кўрылтыш але марте лийын огыл, каласен Алексей Торощин.