Чодыра – республикын поянлыкше

16 сентябрьыште Конгресс полатыште республикысе чодыра озанлык пашаеҥ-влак профессиональный пайремыштым палемденыт. Нуным Марий Элым Вуйлатыше Александр Евстифеев саламлен.

Пайрем кундемлан поснак кугу значениян: чодыра республикын ик эн кугу поянлыкшылан шотлалтеш. Марий кундемын пўтынь кумдыкшын пелыж деч утларак ужашыжым чодыра фондын мландыже налын шога.

Республикын правительствыже чодыра озанлыкым икшырымын вияҥден толшашлан, чодыра фондым арален кодышашлан да пойдарышашлан шуко ышта. Чодыра озанлык сферыште законодательствым шуктымым контрольышто кучымылан кугу тўткыш ойыралтеш, каласен Марий Элым вуйлатыше.

Кызыт республикын чодыра отрасльыштыже 500 наре еҥ, тыгак тўрлє семын пайдаланаш чодыра участкым налше 200 утла арендатор тыршат. Нуно чодыраште пожар лийын кертме лўдыкшым ончылгоч кораҥдыме шотышто пашам радамлын шуктен шогат. Шукш-копшаҥге пошымо верлам пытарыме, чодыран пород шотышто составшым саемдыме, лектышым кугемдыме, биологий велым аклымаште чодыран шуко тўрлє улмыжым, чер ваштареш шоген кертмыжым саемдыме, пушеҥгым шындыме пашам шуктат.

Погынышо-влакым саламлен ойлымыж годым Александр Евстифеев тыге палемден: чодыра озанлык сферыште 2017 ий годсек 8 тўжем гектар кумдыкышто пушеҥгым шындыме, туллан шарлашыже корным петырыше 1 тўжем километр утла кужытан полосам ыштыме, 107 километр чодыра корным олмыктымо.

Тений «Чодырам арален кодымаш» региональный проектым шуктен толмо кышкарыште чодыраште тулым йєртымє 13 специализироватлыме техникым, 7 единице оборудованийым да чылаже 29,5 миллион теҥгеаш моло инвентарьым налме. Чодырам эскерен шогымо пашам шукташ патрульный техникым налаш 6 миллион теҥгем ойырымо.

«Чодырам аралаш кўлшє специализироватлыме техникым тений марте республикыште куд ий налме огыл», – рашемден каласен Марий Элым вуйлатыше.

Умбакыже Александр Евстифеев тыге палемден: чодырам арален кодымо, тудым кучылтмо да пойдарен толмо пашаште республикыште илыше еҥ-влакат єрдыжеш огыт код. Активист-влак пушеҥгым шындыме, чодырам шўкшак да кукшо пушеҥге деч эрыктыме шумлык массовый акцийлашке ушнат. Тений индеш тылзе жапыште тыгай пашашке 12 тўжем наре еҥ ушнен.

Марий Элым вуйлатыше чодыра отрасльын ветеранже-влаклан поснак кугу таум каласен, пўртўсым аралымаш нунын илышыштышт тўҥ пашаш савырнен, манын тудо.

Марий Элым вуйлатыше пытартышлан торжественный погынымаште улшо чыла еҥлан илышым тўзатыме пашаштышт у сеҥымашке шуаш тыланен.

Ойыртемалтше пашаеҥ-влаклан тиде кечын сулен налме наградым кучыктеныт. «Восточное межрайонное управление лесами» кугыжаныш казна учрежденийын филиалжылан шотлалтше Кужэҥер лесничествын чодыра дене пайдаланыме шотышто 2 категориян инженерже Валентина Пироговалан да тиде кугыжаныш казна учрежденийынак филиалжылан шотлалтше Марий Турек лесничествын директоржын алмаштышыже Людмила Сухановалан «Марий Эл Республикын заслуженный лесоводшо» почётан лўмым пуымо. Тыгак икмыняр еҥлан Марий Эл Республикым вуйлатышыжын тауштымашыжым увертарыме.