Чодыра пашаеҥын кечыж дене!

Чодыра отрасльын пагалыме пашаеҥже ден ветеранже-влак!

Тендам профессиональный пайрем – Чодыра да пушеҥгым перерабатыватлыше промышленность пашаеҥ-влакын кечышт дене саламлем!

Марий Эл чодыран моторлыкшо да поянлыкше дене эреак чапланен: республикын территорийжын пелыж деч утларак ужашыже мучашдыме ужар сывын дене леведалтын.

Марий кундемын тўкыдымє пўртўсшє моткоч шергакан. Лач тудо калыклан экологический сай йєным ышта да тазалыкым пеҥгыдемдаш полша. Тиде поянлыкым ончыкылык тукым-влаклан арален кодымаш –мемнан тўшка пашана.

Россий Федерацийын Президентше Владимир Владимирович Путин лач тыгай задачым шында. Кызыт экологий дене кылдалтше йодышлам тєрлаш федеральный бюджет гыч пеш кугу окса ойыралтеш. «Экологий» национальный проектын «Чодырам арален кодымаш» федеральный проектше дене келшышын, республикын чодыраште тулым йєртымє техникыжын паркше у автомобиль, спецтехнике да инвентарь дене пойдаралтын. Чодырам эскерен шогымо пашам шукташ патрульный техникым налаш оксам ойырымо.

Кызыт Марий Элыште чодыра озанлыкыште 500 наре еҥ, тыгак тўрлє семын пайдаланаш чодыра участкым налше 200 утла арендатор тыршат. Нуно чодыраште пожар лийын кертме лўдыкшым ончылгоч кораҥдыме шотышто пашам радамлын шуктен шогат. Шукш-копшаҥге пошымо верлам пытарыме, чодыран пород шотышто составшым саемдыме, лектышым кугемдыме, биологий велым аклымаште чодыран шуко тўрлє улмыжым, чер ваштареш шоген кертмыжым саемдыме, пушеҥгым шындыме пашам шуктат. Законодательствым шуктымым тергыме, чодырам аралыме да чодыра фондым пойдарен толмо пашалан поснак кугу тўткыш ойыралтеш.

Чыла тидыже – моткоч кўлешан да ответственный паша, тудым Марий Эл Республикын чодыра отрасльыштыже ыштыше пашаеҥ-влак чаплын шуктат. Тидыже куандара: кундемыште илыше еҥ-влакат єрдыжеш огыт код. Активист-влак пушеҥгым шындыме, чодырам шўкшак да кукшо пушеҥге деч эрыктыме шумлык массовый акцийлашке ушнат.

Марий Элын пўртўс поянлыкшым арален кодаш да шукемдаш шке пашашт дене йєным ыштен шогышо чыла еҥлан алал кумылын таум каласем. Посна поро мутым чодыра отрасльын ветеранже-влаклан пашалан ўшанле улмыштлан, пўртўсым перегымыштлан да республикын чодыра поянлыкшым арален кодымыштлан каласыме шуэш.

Чыла еҥлан тазалыкым, илышыште эн сайжым да тўҥалме чыла пашаште сеҥымашым тыланем!

Марий Элым Вуйлатыше А.А.Евстифеев