15 январьыште Марий Элым вуйлатыше Юрий Зайцев чоҥышын профессийжым налаш кумылаҥдыме шумлык совещанийым эртарен.
Тушто докладым Юл кундем кугыжаныш технологий университетын ректоржо Игорь Петухов ыштен. Кызыт республикысе чыла районышто корно ышталтеш. Пытартыш ийлаште республик илыме верым да социальный объектлам чоҥымо темп шотышто ПФО-што ин эн сайлан шотлалтеш да ялозанлык кӱлешлыкан объектлам чоҥымаште Российыште ончыл радамыш лектын палемден докладчик.
Республикын чоҥышо отрасльыштыже кызыт 20,5 тӱжем утла, корным ыштымаште 5 тӱжем наре еҥ тырша. Отрасльысе организаций ден предприятий-влакын вуйлатышышт кокла гыч шукышт Юл кундем кугыжаныш технологий университетыште тунемыныт. Тений университетын Строительстве да архитектур институтшо кӱшыл строительный образованийым пуаш тӱҥалмылан 65 ий теммым палемда. Ты жапыште тӱрлӧ кӱкшытан 12 тӱжем специалистым ямдылыме. Тыгодымак республикысе проектно-управленческий организацийлаште 400 наре специалист огеш сите, каласен ректор.
Паша планым ямдылыме годым специалист-влакым ямдылымаште, пашам пуышо-влакын йодмыштым шотыш налын, образований системе ден бизнес коклаште пырля пашам ыштен керме йӧным шотыш налман, палемден республикым вуйлатыше.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
