Чоҥештылнет, оксам ит чамане

​Йошкар-Ола аэропортын чоҥештен кўзымо да волен шичме полосам олмыкташ оксам Марий Эл правительствын резерв фондшо гыч ойырымо.

Марий Элым вуйлатыше  Александр Евстифеев «Йошкар-Ола аэропорт» кугыжаныш бюджетный учрежденийын  директоржо  Андрей Бородуля  да финанс министрын  пашажым жаплан шуктышо  Алексей Торощин дене вашлийын мутланен.

Тидын годым юж судно-влакым вашлияш да ужаташ тўҥалшашлан чоҥештен кўзымо да волен шичме полосам пашаш колтымо йодышым каҥашеныт. Республикым вуйлатыше эн ончычак  аэропортын технике дене пойдаралтмыжым рашемдаш тыршен.

«Республикын правительствыже аэропортын пашам ыштен кертме йєнжым уэш пєртылтымє  темылан кугу тўткышым ойыра. Мылам чылажат оҥай, мый чыла пален налнем: полосам  олмыктымо шотышто планда могайрак, топливым темкалыме комплексда, сигнальный оборудованийда, обслуживатлаш кўлшє техникыда, тидын шотыштак лумым эрыктыме  машинада  кузерак пашам ыштат?» - йодын тмутланаш тўҥалме годым Александр Евстифеев.

Аэропортын директоржо  Андрей Бородулян ойлымыж почеш, палемдыме йєдыш кокла гыч эн нелыже - чоҥештен кўзымо да волен шичме полосан состоянийже. Тений талук мучаште тудын дене пайдаланаш лиймым ончыктышо  сертификатын  вийыште улмо  жапше пыта. Сандене разрешенийым шуйышашлан  документ-влакым ты жаплан ямдылен шуктыман. Лачшымак чоҥештен кўзымо да волен шичме полоса нерген ойлаш гын, тудым 18 тўжем квадратный метр кумдыкышто  олмыктыман. Тылеч посна плоса-влак кокласе 32 километр ушемым битум вартыш дене петрыман. Чоҥештен кўзымо да волен шичме полосамн  чумыр кумдыкшо – 10 утла гектар але 108 тўжем квадратный метр.

Йошкар-Ола аэропортым вуйлатышын палемдымыж почеш, кокымшо аэродромный  автомобильым  налаш  кўлеш, кызыт пайдаланымыжын кучылташ лийме жапже майыште пыта. Тыгай технике деч посна службым аттестоватлаш огеш лий.

Тылеч посна Росавиацийын Самара филиалжын комиссийже чоҥештылаш йєным ыштен шогышо шумлык кычалме да аварийно утарыме службылан аттестацийым  эртара. Личный состав тўрыснек ямде.

Марий Элым вуйлатыше  топливым темкалыме комплексын да аэровокзал пєртын могайрак  улмышт нерген йодыштын.

Андрей Бородуля тыге увертарен: йўлышє да шўрымє материал склад сертифицироватлыме, кок топливозаправщик ямде шога.

Аэропортын зданийже кызыт олмыкталтеш. Пассажир-влакым  обслуживатлыме зоно пашам тўҥалаш ямде.

«Чоҥештылаш тўҥалшаш  авиакомпаний дене  эртарыме переговорышто ее республикын траспорт министерствыж дене пырля участвоватледа мо?» – йодын Александр Евстифеев.

Андрей Бородуля тыге умылтарен каласен: шупшыктышым рашемдыме  деч вара авивкомпанийын колтымо еҥ-влак палемдалтшаш направленийла дене чоҥештылаш тўҥалме шумлык предприятийым шымлат.

2019 ийлан пеҥгыдемдыме бюджетыште чоҥештен кўзымо да волен шичме полосам олмыкташ  оксам палемдыме огыл. Тыште ик йєн гына уло: оксам правительствын резарв фондшо гыч  ойыраш»,- каласен Александр Евстифеев.

Вашлиймашым иктешлымек, Марий Элым вуйлатыше чоҥештен кўзымо да волен шичме полосам  олмыкташ да моло пашам шукташ  республикын правительствыжын  резев фондшо гыч  12 миллион теҥгем ойырымо  нерген пунчалеш кидым пыштен.