Медведево районысо «Шойбулакский» племзаводышто у селекционно-семеноводческий комплексым пашашке колтымо.
Инвестиций кугыт 430 миллион теҥгешке шуын, тышечын 216 миллионжо – льготан кредит. Кызытеш республикыштына тыгай комплекс уке, тудым регионым социально-экономически вияҥдыме индивидуалный программе почеш чоҥымо. Племзаводын директоржо Алексей Комелин палемден: комплексын задачыже – урлыкашым шке ямдылаш да йот элла гыч кондымо деч кораҥаш.
– Мемнан комплексна республиклан ойыртемалтше. Тыште урлыкашым ямдылыме тичмаш цикл шукталтеш. Пырчым пасу гыч налме, ястарыме, икымше гана эрыктыме, коштымо да урлыкашым ӱдаш йӧршыш шуктымо марте паша ышталтеш. Индивидуальный социально-экономически вияҥме программыш ушнен, ме яра кийыше мландым курал-ӱдаш, предприятийыште пашаеҥым шукемдаш да налогым тӱлымӧ базыме ешараш лийынна. Кеч пытартыш жапыште чоҥымо материал чот шергештын, ме объектым 2022 ий августлан чоҥен шуктышаш верч чыла вийым ушенна ыле, – палемден Алексей Комелин.
У рӱдер предприятийлан пырчан да отызан, технический культурын ГОСТ дене келшен толшо урлыкашыштым ямдылаш, тыге лектышым палынак кугемдаш йӧным пуа. Тудын куатше – 6 тӱжем тонн урлыкашым ямдылаш, тышечын 4 тӱжем тоннжо шке озанлык кӱлешлан кучылталташ тӱҥалеш. Утышо 2 тӱжем тоннжым республикысе озанлык-влаклан ужалаш палемдыме. Кызыт племзавод Кужэҥер, У Торъял, Марий Турек район-влаклан кургым колтен шога.
– Тидыже ямдылыме сатун шке акшым шулдештараш корным почеш, – палемден республикым вуйлатышын пашажым жаплан шуктышо Юрий Зайцев.
Марий Эл Республикым вуйлатышын организаций да аналитике виктемжын увреже негызеш В.СМОЛЕНЦЕВ ямдылен
