Бюджет оксам – пайдалын

Марий Элым вуйлатыше Александр Евстифеев 1 ноябрьыште Москваште Россий Федерацийыште региональный вияҥмаш шотышто правительственный комиссийын заседанийыштыже лийын. Тудым правительстве председательын алмаштышыже Виталий Мутко эртарен.

Заседанийыште исполнительный кучемын региональный органже-влакын нунылан пуалтше федеральный полномочийым шуктышо вуйлатышыштым должностьыш шогалтыме да должность деч кораҥдыме йодышым ваш кутырен келыштарыме шотышто федеральный исполнительный кучем орган-влакын правашт нерген йодышым, «Ветеринарий нерген» Россий Федерацийын законжын 19 лончыжын кокымшо ужашыжым вийым йомдарышылан шотлымо нерген» федеральный законын проектшым каҥашыме.

Тылеч посна заседанийыште регион-влакын полномочийыштым федеральный кўкшытыштє утыждене тєрлен шогымым шагалемдыме, региональный бюджет-влакын пайдале огыл роскотыштым иземдыме, Россий Федерацийын субъектлаштыже кугыжаныш велым виктарен шогымо пашан пайдалыкшым кугемдыме шумлык темлыме ой-влакым ончымо.

Заседанийыште Россий Федерацийын президентше Владимир Путинын тўҥалтышыж почеш регионлаште шукталт толшо национальный проект-влак нергенат мутланыме. РФ Правительстве председательын алмаштышыже Виталий Мутко тыге палемден: национальный проект-влак кызытсе жапыште кассе велым аклымаште 60 процентлан шукталтыныт, тидыже сай показательлан шотлалтеш. Тидын годым чыла национальный проектым шукташ тўҥалме, нуным шукташ кўлшє чыла ресурсым рашемден палемдыме да регион-влак марте шуктымо.