Марий Элыште бизнеслан пумо полыш предпринимательствым вияҥдаш да экономиклан кушкашыже йӧным ыштышаш.
Марий Эл Республик Правительстве председательын алмаштышыже Д.Троицкийын тӱҥалтышыж почеш региональный кучем орган, пашаче ушем-влакын, бизнеслан полышым пуымо институтын еҥже-шамыч да бизнес-актив дене совещанийым эртарыме.
Региональный антикризисный рӱдерын залыштыже «йыргешке ӱстел» формат дене республикыштына бизнеслан полышым пуымо йодышым каҥашыме, тенийысе пашам иктешлыме, ончыкылыклан планым палемдыме.
– Национальный проект кышкарыште изи да кокла предпринимательствылан полышым пуымо мере-влакым илышыш шыҥдарымаште участвоватлыме, экономикын отрасльже-влаклан адрес полышым пуымо, тыгак инвестиций климатым семдымаште тыршыме правительствын пашаштыже ик тӱҥлан шотлалтеш, – каласен Д.Троицкий. – Тыштыже бизнеслан полышым пуымо институтын тыршыме ужашыжым поснак палемдыман.
Промышленностьлан, торговльылан, чодыра комплекслан, туризмлан, экномикын чыла отрасльжылан полышым пуымо, нуным ончыкыжым вияҥдыме йодыш совещанийыште рӱдылан шотлалтын.
Совещаний годым погынышо-влак ятыр йодышым пуэныт. Нуным утларакше бизнеслан пуымо полыш шотышто илышыш шыҥдарышаш мера-влак тургыжландареныт.
Марий Эл Республикым вуйлатышын администрацийжын информаций паша пӧлкажын уверже-влак негызеш В.СМОЛЕНЦЕВ ямдылен
