«Айста пырля пашам ыштена»

Республикым вуйлатыше правительстве пєртыштє Марий Элыште правопорядкым кўлеш кўкшытыштє кучымо шотышто эрак пашам ыштыше Координационный совещанийын заседанийжым эртарен. Мутланымаште правительстве член, региональный силовой структур-влакын еҥышт участвоватленыт.

Совещанийыште пеш кўлешан ятыр йодышым, тидын шотыштак 2018 ийысе криминогенный ситуацийым, оперативный обстановкын ончыкыжо кузе вашталт кертмым, тыгак тений республикыште правопорядкым да общественный лўдыкшыдымылыкым кўлеш кўкшытыштє кучышашлан могай мерыш ышташ кўлмым каҥашыме.

Александр Евстифеев заседанийыш погынышо-влакым саламлен да совещаний черетан гынат, ончышаш йодыш шукак погынен манын палемден. Тудо кундемыште преступностьын могайрак кўкшытыштє улмыж дене палдараш мутым республикын прокуроржын алмаштышыже Александр Григорьевлан пуэн.

Кокла нелытан преступлений шагалемын, тыгодымак ийготыш шудымо еҥ-влак коклаште наркотикым закондымын кучылтмо сферыште правопорядкым пудыртылмаш шукемын, палемден прокурорын алмаштышыже. Тудо самырык-влак коклаште, тыгак шинчен лекше, кужу жап пашам ыштыдыме да аракам йўшє-шамыч коклаште профилактике пашаште улшо ситыдымашым палемден коден.

Элкєргє паша министрын алмаштышыже – полиций начальник Алексей Коновалов докладыштыже республик неле преступленийым почмо шотышто Российыште эн сай 30 субъект радамыш пурен манын увертарен.

Алексей Коноваловын мутшо почеш, республикыште контактдыме манме шолыштмаш шарлен толеш. Тидын шотышто массовый информаций средстве ден верысе самоуправлений орган-влак дене пырля профилактике пашам шуктыман, палемден тудо. МВД полиций начальник тыгак алкоголян прдукцийым ужалыме да аракам йўман заведенийлаште порядкым ыштыме шумлык шуктымо паша нерген каласкален.

Кундемым вуйлатыше Сеҥымашын 74-ше идалыкшым пайремлаш ямдылалтмым шинча ончылно кучаш силовик-влакым ўжын.

Координационный совещанийыште чодыра дене пайдаланыме да чодырам закон дене келшыдымын руымо ваштареш кучедалме сферыште законодательствым шуктымо йодышлам ончымо.

Пўртўсым аралыме шотышто Марий межрайонный прокурор Алексей Киселевын ойлымыж почеш, чодыра поянлыкым закон дене келшыдымын кучылтмо шумлык преступлений 2017 ийсе дене таҥастарымаште кок пачаш шагалемын. Пуым ямдылаш кучылтмо чодыра участкылаште пален налме изи преступлений шукемын. Прокурорын ойлымыж почеш, лу ий жапыште законым пудыртымаш ятыр пачаш шагалемын, тидыже правоохранительный орган-влакын пашаштын пайдалыкше нерген ойла.

МВД-н, прокуратурын пашаеҥышт да чодыра инспектор-влак кодшо ийыште чодырам закондымын руымо 84 случайым пален налыныт. Тидын годым чылаже 621 кубометр пушеҥгым руымо. Марий Элын Пўртўс ресурс, экологий да йырым-йырысе средам аралыме шотышто министерствыжын увертарымыж почеш, 2017 ий дене таҥастарымаште тиде показатель ныл пачаш утлалан иземын.

Совещанийын участникше-влакын ойлымыштым колыштмек, Марий Элым вуйлатыше тўшкан пырля пашам ышташ кўлмым палемден. Мутланымашым иктешлышыжла, Александр Евстифеев тыге каласен: «Мыйын ўжмаш тыгай: айста пырля пашам ыштена».