Автопарк пойдаралтын

Марий Эл чодыраште тулым йєртымє у техникым налын. Тидлан 29,5 миллион теҥгем кучылтмо. Оксам «Экологий» национальный проектын «Чодырам арален кодымаш» федеральный проектшым шуктен толмо паша дене келшышын ойырымо.

Чодыраште тулым йєрташ 8 единице изи патрульный комплексым, ты пашам шукташ келыштарыме 4 тракторым, тыгак тул шарлыме деч аралыше минерализоватлыме полосам ыштыме комбинироватлыме 5 чодыра плугым налме.

У техникым Марий Элым вуйлатыше Александр Евстифеевлан ончыктеныт. Республикын пўртўс ресурс, экологий да йырым-йырысе средам аралыме шотышто министржын пашажым жаплан шуктышо Алексей Киселев ден «Чодырам авиацийын йєнжє дене аралыше «Авиалесоохранын» марий базыже» специализироватлыме кугыжаныш автономный учрежденийын начальникше Петр Долгов у машина-влак нерген радамлын каласкаленыт.

Специализироватлыме у технике лишыл жапыште «Авиалесоохранылан» пуалтеш, тудын дене Юрино, Килемар да чодыралан утларак поян икмыняр моло районышто пайдаланаш тўҥалыт.