30 ийлан – икымше гана

Марий Эл вуйлатыше А.Евстифеев рӱдоласе 9В микрорайонышто 825 веран школым чоҥымаште лийын. Пытартыш 30 ийыште тиде кундемыште тыгай паша икымше гана ышталтеш. «Шушаш ий 1 сентябрьлан тудо ямде лиеш манын ӱшанена», – каласен регион вуйлатыше.

Кӱлешан объектым чоҥышо «Салют» предприятийын генеральный директоржо Я.Меримскийын ойлымыж почеш, кызыт пашаеҥ-влак кермычым оптат, тиде сомылым теле пагытлан мучашлышаш улыт.

«Тиде микрорайонысо школлаште тунемше-влаклан вер ок сите. 30 ий иктымат чоҥымо огыл. У объектым кызытсе жаплан келшыше проект почеш ыштат», – палемден регион вуйлатыше. Лишыл жапыште республикыште 7 школ, 11 йоча дошкольный тӧнеж нӧлталтшаш.

Ушештарена, «Образований» нацпроект дене келшышын, Йошкар-Олаште, Волжскышто, тыгак Звенигово, Килемар, Куженер, Марий Турек да Медведево районлаште чылаже 8 общеобразовательный организаций чоҥалтшаш.