12 мартыште пӱтынь элна мучко семынак Йошкар-Олаште «Вместе! За Россию» митинг-концерт эртен.
Тиде мероприятийыш кучем орган-влакын, мер ушем-шамычын енышт, предприятий ден организацийлаште пашам ыштыше, самырык-влак да кумылан еҥ-влак ушненыт. Погынышо-влак ончылно тӱрлӧ коллектив ден мурызо-влак шке мастарлыкыштым ончыктеныт.
Митингыште Марий Эл вуйлатыше Юрий Зайцев лийын. Тудо ойлен:
– Социально-экономический, мер-политике, тӱвыра илышыш чолган ушнен, ме чылан пырля ончыкылыкым чоҥена да кумда элнам вияҥдымашке надырым пыштена.
Тиде акцийын рӱдӧ площадкыже Волгоград лийын. Тиде герой-ола гыч вияш трансляцийым Г.Константинов лӱмеш академический руш драме театрын площадкыштыже сцене воктене ончыктеныт.
Л. Камалетдинова
