ЖКХ услугылан тӱлаш йӧнанрак лиеш

ЖКХ услугылан тӱлаш йӧнанрак лиеш
16.10.2014
Марий Элым вуйлатыше Л.Маркелов Правительстве пӧртыштӧ «Универсальный электрон карт» ОАО-н президентше, «Российын Сбербанкше» ОАО-н вице-прези- дентше А.Поповын вуйлатыме Сбербанкын делегацийже дене вашлийын. Вашлиймаште тыгак «Российын Сбербанкше» ОАО-н Волго-Вятский банкшын председательже С.Мальцев, Марий Элысе 8614 №-ан отделенийжын управляющийжын пашажым шуктышо А.Наумов лийыныт.
 
Нуно Сбербанкын полшымыж дене республикыште ЖКХ услугылан калык дене расчетым ыштыме шотышто у системым шыҥдарыме нерген мутланеныт.  Тиде системе услуго дене пайдаланыше да платежым налше коклаште коклазым кораҥда, еҥ-влак чыла тӱрлӧ услугылан ик квитанцийым гына налаш да тӱлаш тӱҥалыт. Моло регионысо опыт почеш, услугылан тӱлымаш 90 процентым эрта. Кажне еҥ шонымыж почеш пачерлан тӱлымӧ эн келшыше йӧным ойырен налын кертеш. Тидым кассе, терминал, «Онлайн-тӱлымаш» сервис, банк ден почто отделенийла гоч, «Сбербанк Онлайн» системе полшымо дене ыштен сеҥа.
 
У системыш этап дене куснаш палемдыме. Тений октябрьыште у квитанцийым Йошкар-Олаште илыше ик тӱжем наре, ноябрьыште лу тӱжем наре еҥ налыт. Шушаш тылзе гычак экспериментыш Медведево, Советский ден Оршанке районлаште илыше-шамычым ушат. Чылажат сай лиеш гын, шушаш ий март тӱҥалтышлан у системыш ЖКХ услуго дене пайдаланыше кажне потребитель куснен шуэш.
 
Марий Эл Республик Вуйлатышын мер кыл ден увер виктемже
Кусарымаш - А.Андреев (газет "Марий Эл")