Марий Эл вуйлатышын пашажым жаплан шуктышо Ю.Зайцев VI регионал «Юнармий» слётым почын.
Тушко 800 утла еҥ ушнен. Тиде юнармейский отряд-влакын ик эн сай (14-17 ияш-влак) воспитанникышт лийыныт.
– Республикыште «Юнармий» всероссийский йоча-юношеский военно-патриотический мер организаций вияҥеш. Элыштына тудо 8 гыч 18 ияш марте куд тӱжем утла юнармеецым уша. Нуно 171 отрядыште шотлалтыт. Российысе моло субъект коклаште Марий Эл латикымше верым налеш, – палемден Ю.Зайцев. – Тыгай движений республикыште ик эн кугу патриотический мер ушемлан шотлалтеш. Поснак ойыртемалтше юнармеецым кажне ийын «Юнармейская доблесть» медаль дене наградитлат. Торжественный ужаш деч ончыч регионым жаплан вуйлатыше специализированный машин, бронетехнике, авио да мототехнике дене кылдалтше интерактивный, тыгак республикысе поисковый движенийын, утарыше да радист-шамычын снаряжений выставкылам ончен да толшо уна-влакым тыгай мероприятийым почмо дене шокшын саламлен, йоча-шамычлан вий-куатым, чытышым тыланен.
Марий Эл Республикым вуйлатышын организаций да аналитике виктемжын уверже негызеш Е.Эшкинина ямдылен
