Вашкылым эшеат пеҥгыдемдат

Россий Федерацийыште Монголий посольствын делегацийже Марий Элыш толын каен.

Марий Эл правительстве председательын алмаштышыже Дмитрий Троицкий Россий Федерацийыште Монголий посольствын советник-посланникше да торговый представительже Хасар Данаажав дене паша вашлиймашым эртарен.

Посольствын еҥже Региональный ялозанлык сату производитель-влакын ассоциацийыштын председательже Сергей Архин дене пырля толын.

Вашлиймаште Дмитрий Троицкий Марий Эл ден Монголий коклаште торговльо ден экономике кылым вияҥдымаште, поснак оборудований ден механический устройство-влакым, шем металл гыч ӱзгар ден арвер-влакым, фармацевтический продукцийым колтымо шотышто, сай велыш вашталтышым палемден.

Вашлиймашын участникше-влак ончыкыжым куштылго, пушеҥгым обрабатывалтыше, пищевой, перерабатыватлыше промышленностьышто да агропромышленный комплексыште вашкылым кужу жаплан ыштышаш нерген мутланен келшеныт да планым палемденыт.

Марий Эл вуйлатышын администрацийжын информаций паша пӧлкажын уверже негызеш Л.Камалетдинова ямдылен