16 декабрьыште Россий банкын Юл-Виче кугыжаныш учрежденийжын Марий Эл Республикысе национальный банк пӧлкаштыже тора да корныдымо ялласе калыкын финанс услугым налын кертме йӧным саемдыме йодыш дене совещаний эртен.
Тушто Марий Эл правительстве председательын алмаштышыже Дмитрий Троицкий, региональный министерстве ден ведомство, налог орган, кредитный организаций-влакын вуйлатышышт, айдемын да предприниматель-влакын правашт шотышто уполномоченнй-влак лийыныт.
Мемнан дене калыкын ик кумшо ужашыже ялыште ила, тудын финанс услугым налын икертме йӧным саемдымаш – мемнан кӱлешан задачына., каласен погынышо-влак ончылно ойлымыж годым Дмитрий Троицкий.
Россий банкын Марий Элысе пӧлкажын управляющийже Александр Волков республикыште тӱлымӧ инфраструктурым кумдаҥдышашлан ойырен налме район-влак нерген каласкален. Кучем орган, банк пашаеҥ-влакым, связьын да Россий почтын операторыштым иктыш ушен ыштыме межведомственный пашаче группо мемнан республикыште финанс услуго дене пайдаланен кертме йӧным саемдымашке виктаралтше «корно» картым шыҥдара.
Эксперт-влак тыгак тӱҥалтыш жапыште «куштылемдыме» форматым кучылташ тӱҥалме йӧнлан тӱткышым ойыреныт. Тиде – ял калык дек лектын коштшо офис да «кассысе наличный» манме услуго дене пайдаланымаш.
Марий Эл вуйлатышын администрацийжын информаций паша пӧлкажын уверже негызеш П.Шакиров ямдылен
