У школ лиеш

У школ лиеш
19.07.2021
Тушто эн ончыч 6-шо №-ан школыш пурен. Тиде образовательный тєнежым 1985 ийыште пашаш колтымо. Тылеч вара жап шукак эртен огыл гынат, тудлан эреак тўткышым ойырен шогаш логалеш. 2012 ийыште эртарыме технический шымлымаш ончыктен: зданийын каркасше шелышталтеш, школ лунчырген вола. Республикым вуйлатыше школым тений у тунемме ий марте олмыктен шукташ  кўштен.

- У школымак чоҥыман. Тудым 2002 ийыште олмыктымо, 2012 ийыштат ачалыме, теве ынде 2021 ийыштат уэш олмыктена. Кажне лу ий гыч мучашдымын олмыкташ лиеш. Сандене тудым 2023 ий марте пужен кудалташ  да олмешыже уым чоҥаш келшен толеш. Кызытеш  олмыкташ  правительствын  резерв фондшо гыч 5,5 миллион теҥгем ойырена. Олмыктымо пашам эрлак тўҥалман. У тунемме ийлан школ ямде лийшаш, каласен Марий Элым вуйлатыше Александр Евстифеев.

Тылеч вара тудо Прохоров уремыште шуко пачеран пєртым чоҥымаште лийын. Тушто у пачерым аварийный илыме фондышто илыше  еҥ-влак налшаш улыт.  Нунылан пуаш 96 пачерым  оксала налме.

Ты объектыште пашам 30 ноябрьыште мучашлышыш улыт. Кызытеш визымше пачаш нєлталтеш, электрик-влак пачер еда электровоштырым шупшыт, уремысе канализационный  сетьым  ыштат. Пєртым ончен савырнышыжла, республикым вуйлатыше  «тўҥжє - пашам ыштыме графикым тўрыснек шуктымаш» манын.

Тидын годым тудо тыге рашемден: Волжскышто еҥ-влакым аварийный пєртла гыч уыш кусарыме паша 2020 ий годсек шукталтеш. Тиде программын кокымшо йыжыҥжын кышкарыштыже олаште 139 тошто илем гыч 325  еҥым  у пачерыш кусараш да 4307,43 квадратный метр  аварийный илыме верым пытараш кўлеш.

Регионым вуйлатыше вараже «Тумер» культур да каныме  паркыш миен коштын.  Тиде парк кодшо ийыште олаште йєнан  йырвелкумдыкым ыштышаш  шумлык  эн сай проект-влакым ончымо Всероссийский  конкурсышто 50-100 тўжем еҥан ола-влак коклаште сеҥышыш лектын.

Тиде паркым тўзатыме проект тений майыште шукталташ тўҥалын.  Но паркыште федеральный значениян культур наследий объектым вераҥдышашлан  мланде участкылан  историко-культурный экспертизым  эртарымылан кєра  Волжскын администрацийже  пашам жаплан чарен шогалтен.

Чоҥымо паша дене палыме лиймекше,  Александр Евстифеев  подрядчик обязательствыжым тичмашын огыл шукта манын палемден.  Арня гыч пашам ышташ огыт тўҥал гын,  контрактым кўрлаш олан администрацийжылан темлен.

«20 процент пашам шуктымо огыл, а чоҥымо сезон уже мучашышке лишемеш.  Мемнан дене Мер тўҥалтыш толкын уло, тиде проектым тудлан контрольыш налман. Тушто оласе веле огыл, республикысе мер пашан  чолга еҥже-влак улыт. Нуно тышке  арняш ик гана пашаш коштмо семынак толын коштшаш улыт. Молан ме федеральный  оксам тыге чот тыршен кычалына?  Олам тўзатышашлан финансированийым кузе эшеат саемдаш  лийме нерген шонкалаш кўлеш»,- палемден Александр Евстифеев.

Тудо пытартышлан  Сеҥымаш паркыште лийын. Шукерте огыл тушто  оласе калыкын йодмыж почеш военный техникым вераҥденыт. Тунам Александр Евстифеев дек йодмаш дене Афганистан сарын ветеранже-влак  лектыныт.  Паркеш вераҥдаш  БТР-80 бронетранспортёрым ойырен налме.  Тудо Марий Элысе ик  пожарный  частьыште вооруженийыште лийын. Ынде паркыш пурымаште шога.

- Тиде машинан кушто  служитлымыже пеш кўлешанак огыл. Тудын кызытсе тўҥ задачыже – самырык-влакым  военный патриотизм шўлышеш  шуарен куштымаш. 9 майыште республикысе калыкым  Сеҥымаш кече дене  саламлымем годым мый тыге каласышым: Президентна Владимир  Владимирович, мемнан главнокомандующийна, миллионло еҥлан  элым  йєраташ тунемме урокым пуа. Кызыт Россий обществын вияҥын толмо чыла направленийыште нимо шотыштат намысыш огына пуро, чыла шотыштат Российыште ончылно каена да тыштыже  кўлешан вер  самырык-влакым  патриотизм шўлышеш  шуарен куштымашлан ойыралтеш. Волжскышто виян военно-патриотический организаций  шуко уло, нунын членышт самырык-влак коклаште пашам ышташ  ямде улыт, техникым вераҥдымашат -  тиде тўшка пашаш пыштыме  кугу надыр. Чыла ветеранлан  кугу тау,- каласен Александр Евстифеев.

Тылеч вара тудо самырык-влакым  патриотизм шўлышеш  шуарен куштымаште чулымын участвоватлыше–влаклан  тауштымашан  серышым  кучыктен. Наградым боевой действийын ветеранже  А.Д.Григорьев, предприниматель-влак Р. Биктимиров ден  С. Долгачёв налыныт.

Республикым вуйлатыше  вараже  Волжскын  администрацийыштыже  совещанийым эртарен. Тушто  олам ончен савырныме пашам иктешлыме да Волжскым  умбакыже тўзатыме шумлык эн ончыч шуктышаш  задаче-влакым рашемдыме.

           Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен