У сеҥымашым тыланена!

У сеҥымашым тыланена!
25.06.2014
Теҥгече Марий Эл Республикым вуйлатыше, Правительстве Председатель Леонид Игоревич Маркелов шочмо кечыжым палемден.
 
"Марий Эл" редакцийын коллективше да лудшыжо-влак тудым шокшын саламлат, пеҥгыде тазалыкым, экономике ден социальный сферым вияҥдымаште, республикыште илыше калыкын илышыжым саемдымаште эшеат кугу сеҥымашке шуаш вий-куатым, чон куаным, илыш пиалым тыланат.
 
Таче республик ончыко ӱшанле ошкыл дене кая, ятыр показатель дене Юл кундем федеральный округышто икымше верым айла. Республикыште кугу у предприятий-влак пашашке колталтыт, ялозанлык вияҥеш, инвестиций пура. Пытартыш жапыште рӱдолан сылнешт толмыжымат Марий Элын вуйлатышыжын суапше семын аклыман.
 
Тудын шинчымашыже, опытшо, пашам кугыжаныш кӱкшыт гыч ончымыжо, деловой качествыже ончыкыжымат Марий Элыште илыше шуко национальностян калыкын интересшылан, республикын социально-экономически вияҥме йодышым решатлымашке виктаралтеш манын, ӱшанен кодына.
перевод - газета "Марий Эл"