У проспект пелен у парк веле огыл лиеш

У проспект пелен у парк веле огыл лиеш
05.11.2014
4 ноябрьыште Йошкар-Олаште Марий Эл Республик мучко Калыкнан икоян улмо кечылан да Марий автономийым ыштыме кечылан пӧлеклалтше торжественный мероприятий-влак эртеныт. Тушто Марий Эл Республикым вуйлатыше Л.Маркелов, правительстве член, политический партий ден мер организаций-влакын еҥышт лийыныт.
 
Ик эн кугу пайрем пӧлеклан Йошкар-Олаште Воскресенский проспектын кокымшо ужашыжым почмым шотлыман. У магистраль Воин-Интернационалист-влак ден Водопроводный урем-влакым ушен. Тудым торжественно почмо годым Леонид Маркелов палемден:
 
- Ик кугу пайремат республикыште пӧлек деч посна ок эрте, тидыже ынде поро йӱлашкак савырнен шуын. А вашке Воскресенский проспект пелен эше паркат лийын шушаш. Туштак спорт манеж, бюджет сферыште ыштыше-влакын изи олашт лийыт. Калыкнан илышыжым саемденак толына.
 
Марий Эл Республикым вуйлатыше кундемыште илыше-влакым Калыкын икоян улмо да Марий Эл Республикын кечышт дене саламлен, йошкар тасмам пӱчкын, погынышо уна-влакым Воскресенский проспект ден паркым ончал савырнаш ӱжын. 
 
Марий Эл Республик Вуйлатышын мер кыл ден увер виктемже
Кусарымаш - С.Носова (газет "Марий Эл")