Марий Элыште ласка илышым арален кодаш манын, территориальный обороно отрядым чумырат. Эртыше шочмо гыч мобильный огневой группым туныкташ тӱҥалыныт.
Тушман деч республикын кумдыкыштыжо лӱдыкшыдымылыкым ышташ, кӱлешан объект-влакым аралаш, пилотдымо аппарат-шамыч деч кавам эскераш манын, пӧръеҥ-шамыч Обороно министерстве дене специальный контрактым подписатлен кертыт.
Мемнан регионышто «БАРС Марий Эл» отряд чумыралтеш. Лач тушко мобильный огневой группо-влак пурат.
«Барс» терерриториальный аралалтмаш отрядыш республикыште илыше-влак шукырак да шукырак ушнат, воза МАХ каналыштыже Марий Эл вуйлатыше Юрий Зайцев. Нунын коклаште – Марий Эл правительстве председательын алмаштышыже Степан Александрович Воронцов, Медведево район администрацийым вуйлатыше Денис Сергеевич Окулов, Звенигово район администрацийым вуйлатыше Сергей Владимирович Петров да Морко район администрацийым вуйлатыше Александр Николаевич Голубков.
Тыгай подразделенийыш логалаш кумылан еҥ-шамыч верысе военный комиссариатыш миен, РФ Обороно министерстве дене контрактым ыштышаш улыт.
Контракт 3 гыч 5 ий марте ышталтеш. Эн ончыч армийыште служитлыше, салтак илышым палыше-шамычлан кугу тӱткыш ойыралтеш. Тыгодым зн тӱҥлан республиклан полшаш, сеҥымашым лишемдаш кумыл лийшаш. Медицине велымат нимогай чарак лийшаш огыл.
Ты контрактын ойыртемже – службо лач Марий Элыште гына эрта. Республикым кудалтен, вес регионыш каяш огеш кӱл. Тыгодым кажне тылзын выплате лиеш, паша верыште окса довольствий ден кокла пашадар аралат кодыт.
Республикысе военкоматын уверже почеш, объект-влакым оролымылан кажне тылзын икмыняр источник гыч окса выплате лиеш: оролымо предприятийла, РФ Обороно министерстве, регионысо бюджет гыч. Окса боевой задачым шуктымо жапыште гына тӱлалтеш.
Мом ыштыман?
Ик сменын кужытшо – кок тылзе. Тушеч 15 кече войсковой полигонлаште ямдылалташ ойыралтеш, эше 45 кече – объектлам оролаш. Мобильный огневой группын пашашкыже БПЛА-м чактарымаш пура. Завод ден производствылаште тушман дрон-шамыч деч резервист-влак эреак тергышаш огытыл. Пӧръеҥ-влаклан радиоэлектронный средства ден стрелковый сргуралым пуат.
Ончылгоч йодмашым пуышо кумылан граждан-шамычлан боевой дежкрствышт 15 июньышто тӱҥалеш.
Лекше йодышым военкоматыште але тыгай телефон номер дене рашемден кертыда: +7 (8362) 640091, 452834.
