Тыланет, салтак! Чоҥымо материалым – Луганскыш

Специальный военный операцийыште порысыштым шуктышо-влаклан гуманитар полышым чӱчкыдынак погаш да тӱрлӧ семын намиенак шукташ тыршат.

Ты гана Марий Эл гыч блиндаж ден траншейлам чоҥаш пиломатериалым колтеныт.

– Гуманитар полышым кажне кечын погена. Военнослужащий-шамыч дене кылым командований гоч ыштенна. Марий Эл вуйлатыше боец-влак дене вашлиеш, нунылан мо кӱлешым шкеак пален налеш. Сандене йодмо почеш спецопераций зоныш шокшо вургемым, кӱлеш оборудованийым, амуницийым, транспортым да молымат колтена, – палемден Марий Эл правительстве председательын алмаштышыже Степан Воронцов

Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен