Тыгай тоштер эше лийын огыл Вашке Йошкар-Олаште «Музей детства» почылтеш

Тыгай тоштер эше лийын огыл Вашке Йошкар-Олаште «Музей детства» почылтеш
09.06.2014
Тудо Изи Какшан серыште, В.Х.Колумб лӱмеш республиканский юношеский библиотеке воктене, верлана. Тӱвыра, печать да калык-влакын пашашт шотышто министерствын у административный зданийжылан тӱҥалтышым ыштыме семын шарнымашан кӱм торжественно пыштымаште республик вуйлатыше Леонид Маркелов лийын.
 
– Тиде тоштерыш ончыкыжым кажне икшыве, кушто илымым ончыде, тышке толын каен кертше да йоча-шамыч шочмо республикышт, элышт да ача-авашт дене кугешнышт,– шке шонымашыж дене палдарен Л.Маркелов.
 
У объектым икмыняр тылзе ончычак чоҥаш тӱҥалыныт. Тудын кумдыкшо 1500 квадрат метрым айла. Тиде тоштерыште интерактивный модмаш, тӱрлӧ модыш да йоча тӱняшке пӧртылтышӧ моло арвер ден ӱзгар лийыт.
 
Йӱла почеш, Леонид Маркелов, кидышкыже мастерокым налын, у объектын пырдыжшым нӧлтымашке икмыняр кермычым пыштен да шушаш ийын тоштер шке омсажым почеш манын ӱшанен палемден.
 
Марий Эл Республик Вуйлатышын мер кыл ден увер виктемже
Кусарымаш - Л.Камалетдинова (газет "Марий Эл")