Россий Федераций Президентын Юл кундем федеральный округысо полномочный представительже Игорь Комаров Юрий Зайцевын Марий Эл Республикым Вуйлатышын должностьыш шогалме торжественный церемоний пытыме деч вара регион уста вуйлатышым муын, тудын кўлешан личностный да профессиональный качествыже уло, тудо республикым вия‰дышашлан мом ыштышашым пала манын каласен.
Ме национальный проект-влакым шуктен толмаштат сай вашталтыш лиймым ужына. Республик 11 национальный да 120 инвестиционный проектым илышыш шындарымаште участвоватла. Нуно тўрлє сферым авалтат да, мыйын шонымаште, республикылан кугу пайдам пуат, палемден Игорь Комаров.
Россий Президентын ПФО-со полпредше тыге ешарен: регионыш пытартыш гана толын коштмем годым пеш кўлешан направленийлам палемденна ыле. Нуно республикым социальный ден экономике велым вия‰дыме пашам умбакыже виянден колташ полшат.
Игорь Комаров Юрий Зайцевлан командышкыже шкеж семынак шонышо профессионал-влакым чумыраш, палемдымыш шуаш тыршаш, е‰-влак дене вашлийын мутланымым умбакыже шуяш тыланен.
Марий Элым Вуйлатыше Юрий Зайцев республикыште пашам ыштыме жапыште чыла проблемный йодышым умылен, ончыкыжо вия‰ме планым палемден, е‰-влак ден кылым ыштен да Марий кундемын моторлыкшым йєратен шуктенам манын каласен.
«Мый республикыште визымше тылзе илем да пашам ыштем. Тиде шуко огылла чучеш, но мылам тиде пеш кужу жап, илышемын ужашыже, шўм-чонемын ужашыже. Сандене мый е‰-влакын ўшаныштым уло вий-куатын сулаш тыршем, нунын илышыштым саемдышашлан, экономикым вия‰дышашлан чылажымат ыштем. Игорь Анатольевич моткоч чын каласыш, мый икоян команде дене пашам ыштынем, ончыко гына каяш да регионын илышыжын тў‰ аспектше-влакым умбакыже вия‰даш шонем»,– палемден Юрий Зайцев.
Марий Элым вуйлатыше ончыкыжо вия‰ме пеш кўлешан корнылам палемден каласен, тиде – промышленность, ялозанлык, IT-сфере да туризм.
РФ Президентын ПФО-со полпредше ден Марий Элым Вуйлатыше национальный проект ден федеральный программе-влакым шуктен толмым ка‰ашеныт, ончыкылык паша планым палемденыт.
Юрий Зайцев федеральный кучем орган-влакын полшымышт дене ме шуко йодышым пайдалын тєрлен кеотына манын ўшандарен.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
