Шӱкшӧ пӧрт гыч – у пачерыш

Шӱкшӧ пӧрт гыч – у пачерыш
18.06.2014
Марий Элым вуйлатыше Л.Маркелов Медведево район Руэмыште аварийныйлан шотлымо илыме вер фонд гыч у пачерыш куснышо еҥ-влаклан сравочым кучыктен.
 
- Пӧртсийым палемдыше чыла еҥым илышыштыда ты куанле тат дене саламлем, - манын республикым вуйлатыше. – Мый ӱшанем, у пачерыштыда те пиалан лийыда. Тыланда у илыме веран лияш федеральный программе йӧным ыштен. Россий правительствын ты программыж почеш пӧртым чоҥаш оксан ужашыже федеральный бюджет гыч, а моло ужашыже республикысе да верысе бюджетла гыч ойыралтеш. Тау Российын президент-ше Владимир Путинлан да премьер-министр Дмитрий Медведевлан регионлан полшымыштлан. Ме ты пашам умбакыже шуяш тӱҥалына.
 
Саламлыме мут деч вара Л.Маркелов у пачерла деч сравочым кучыктен. Еҥ-влак нунылан полшымылан да тӱткылыкым ойырымылан Л.Марке-ловлан таум ойленыт. Руэм поселкышто чумыржо 3400  квадрат метр кумдыкан 80 пачеран пӧрт лу тылзыште чоҥалтын. Калыкым тушко кусараш 50 миллион наре теҥгем кучылтмо, тышеч 33 миллионат 640 тӱжемже – федеральный окса, молыжо – республикысе да муниципальный казна гыч.
 
У пачерлан сравочым аварийныйлан шотлалтше 16 пӧрт гыч 41 еш налын. Эше 39 пачерым чоҥышо организаций ужален. Чыла пачер илаш пураш йӧршын сдатлалтын: мотор обой, жаплан келшыше сантехнике, пластик окнан лоджий, газ плита, молат шинчам куандарат. Чыла тидыже республик вуйлатышыланат келшен.
 
- Тений Медведево районышто еҥ-шамычым эше 200 пачерыш кусараш палемдалтеш, - каласен район администраций вуйлатыше Д.Шагиахметов. – Еҥ-шамыч Медведево поселкышто пӧртсийым пайремлаш ямдылалтыт, тыгак Новый ден Силикатный поселкылаште 40 пачеран, Пурсанурышто 27 пачеран пӧртлам шуктат. Чылаже 2012 гыч 2017 ий марте райо-нышто 24 тӱжем квадрат метр тоштемше илыме верым пытарыман. Тышеч 6700 квадрат метржым ӱмаште кораҥдыме, тений 7400 квадрат метрым пытарыме лиеш. 
 
Марий Эл Республик Вуйлатышын мер кыл ден увер виктемже
Кусарымаш - А.Андреев (газет "Марий Эл")