«Защитники Отечества» кугыжаныш фондын регионысо филиалжым ыштымылан кум ий темын.
РФ обороно министрын алмаштышыже, «Защитники Отечества» кугыжаныш фондын вуйлатышыже Анна Цивилеван палемдымыж почеш, кум ийыште спецоперацийын ветеранже-влаклан да нунын ешыштлан полышым пуымо у системым ыштыме.
– Фондын кугу вийже – тиде калык: регионал команде, социальный координатор, СВО участник, ветеран да нунын ешышт-влаклан полшышо пашаеҥ-влак. Нунын тыршымышт герой-ветеран-шамычлан пырля улмым шижашышт полша, – ойла Анна Евгеньевна.
2026 ий 1 июньышто «Защитники Отечества» кугыжаныш фондын Марий Элысе отделенийжым ыштымылан кум ий теме. Республикысе филиалым Мужество орденын кавалерже Ренат Магсумов вуйлата. Тудын моштен вуйлатымыж дене ятыр кӱлешан паша ышталтын. СВО участник-влакым да вуйым пыштыше военнослужащий-шамычын ешыштлан полышым пуымо ятыр мере ешаралтын. Марий Эл вуйлатыше Юрий Зайцевын поддержкыж дене келшышын, у системе ышталтын.
Полыш мере кумдаҥеш:
· 2025 ий март гыч спецоперацийыште увер деч посна йомшо-влакын ешыштлан полшаш тӱҥалыныт;
· 2025 ий мучаште Россий президент Владимир Путин фондын у шонымашыжым, СВО-што участвоватлыше инвалид-военнослужащий да границе воктенысе кумдыклаште тушманын керылтмыж деч вара сусырген, инвалидностьым налше-влаклан полшаш темлымашым кӱлешанлан шотлен;
· 2026 ий май гыч «Шторм Z» подразделенийын участникше, боевой действийын ветеранже-влаклан ветеранский удостоверенийым пуаш йодмашым погаш тӱҥалыныт. Удостоверенийым пуымо шотышто пунчалым РФ Обороно министерстве луктеш.
2023 ий 1 июльышто, боевой действий-влакын ветеранже-шамычын кечыштым палемдыме годым филиал олмыктымо у зданийыш (Йошкар-Ола Оболенский-Ноготковын площадь) куснен. Лач тунам концепцийым приниматленыт. Тыгайже нимогай регионышто уке.
– Мемнан фондна – чыла ветеранын авашт, йочашт ден пелашыштын чумыргымо верышт. Геройын могай войскаште лиймым огына ончо, вет кажныже кумда элнам арален. У шонымаш Марий Эл вуйлатыше Юрий Викторович Зайцевын полышыж дене шыҥдаралтеш. Ветеран-влак коклаште кылым пеҥгыдемдаш манын, патриотизм шӱлышан мероприятий-шамычым эртарена, – ойла «Защитники Отечества» кугыжаныш фондын регионысо филиалжын вуйлатышыже Ренат Магсумов.
Таче кечылан фондын тӱҥ офисыштыже СВО-н ветеранже-влакын Ассоциацийышт, «Боевой братство», Афганистанын ветеранже-шамычын российысе ушемышт, Российын курымашлык полкшо, ветеран-пограничник-влакын «Застава» регионысо организацийышт, военно-морской флотын ветеранже-шамычын регионысо «Флагман» организацийышт верланеныт.
- Регионысо филиалыш 5,5 тӱжем еҥ 27 тӱжем йодыш дене лектын.
Эн шуко йодыш вуйлатышын икымше алмаштышыже Татьяна Винокурован палемдымыж почеш, социальный полышым, окса выплатым, боевой действийын ветеранже улмо шотышто удостоверенийым налме шотышто пурен.
- Спецоперацийын ветеранже, вуйым пыштыше военнослужащийын авашт, пелашышт, лишыл еҥышт дене тӱрлӧ районлаште 30 утла специалист пашам ышта.
– «Защитники Отечества» кугыжаныш фондын регионысо филиалже дене пырля комплексный системым чоҥенна. Социальный координатор-влак боец-шамычлан кажне этапыште полшат: эмлалтме, реабилитацийым эртыме, пашаш пурымо шотышто. Кугу тӱткыш ешым аралыше-влакын ешыштлан, увер деч посна йомшо военнослужащий-шамычын лишылышт-влаклан ойыралтеш. Пашан кажне йыжыҥыштыже посна айдеме шога – герой, ветеран, тудын родо-тукымжо. Тыгай кӱлешан пашам шуктымыжлан филиалын вуйлатышыже Ренат Зуфарович Магсумовлан, тудын командыжлан тауштем. Фондын пашаеҥже-шамычым кум ияш кече дене саламлем. Ончыкшымат элнам аралымаште пиалым тыланем. Сеҥымаш мемнан лиеш! – ойлен республик вуйлатыше Юрий Зайцев.
