Марий Эл Республикын Правительствыже Марий Эл Республикын пӱтынь кумдыкыштыжо тул ваштареш кучедалме ойыртемалтше режимым палемдыме нерген пунчалым луктын.
Тудын дене келшышын, республикын правительствыже У ий да Рошто пайрем-влаклан ямдылалтме да нуным эртарыме жапыште, а лачшымак 2022 ий 26 декабрь гыч 2023 ий 8 январь йотке жапыште, фейерверкым тул ваштареш кучедалме ойыртемалтше режимым палемден. Ты жапыште пожарный лӱдыкшыдымылык требований шотышто экшык улман, еҥ-влакын иышыштлан да тазалыкыштлан лӱдыкшӧ лектын керман объектлаште культмассовый мероприятийлам эртараш, каныме, кочмо, жапым веселан эртарыме верлаште фейерверкым колтылаш, пиротехнический изделийым образовательный организаций-влакын чекышт деч 100 метр деч шагалрак торалыкыште ужалаш чаралтеш.
Ты жапыште муниципальный образований-влакын администрацийыштым вуйлатыше-влаклан тулым йӧрташ вӱдым налме верлам, тушко мийыме корным лум деч эрыкташ, илемлаште, калыкым да добровольный пожарный охранын еҥже-влакым ушен, патрулироватлыме пашам виктарен колташ, калык коклаште умылтарыме пашам шукташ темлалтеш. Пожарный охранын личный составше утларакм тӱткын служитлымашке кусаралтеш.
П.Шакиров ямдылен
