Ончыкылык вуйлатыше-влакым саламлен

Ончыкылык вуйлатыше-влакым саламлен
04.08.2017
Марий Эл вуйлатышын пашажым жаплан шуктышо Александр Евстифеев 2 августышто Марий кугыжаныш университетын Кугыжаныш управлений малый академийжын 14 выпускникшылан дипломым кучыктен.
 
2007 ий гыч але марте тиде академийым чылаже 200 еҥ тунем пытарен.
 
- Мыят шке жапыштыже, вузым пытарымеке, тетла тунемаш ом тӱҥал манын шоненам, но вара аспирантурыш пуренам. Тудым пытарымеке, ындежым сита, шоненам. Но тылеч вара эше докторантурышто, вара Россий правительстве пеленсе Финанс академийыште шинчымашым погенам, - палемден А.Евстифеев.
 
Дипломым пуымаште тыгак Россий президентын Юл кундем федерал округышто полномочный представительжын алмаштышыже И.Паньшин,  республикысе правительство вуйлатышын икымше алмаштышыже Сергей Сметанин, МарГУ-н ректоржо Михаил Швецов лийыныт.
 
Марий Эл Республик Вуйлатышын мер кыл ден увер виктемже
Кусарымаш - Л.Камалетдинова (газет "Марий Эл")