Национальный проект-влак ўшанлын шукталтыт

Национальный проект-влак ўшанлын шукталтыт
19.07.2021

15 июльышто Россий Правительстве  Председательын алмаштышыже  Марат Хуснуллин  Россий Федерацийыште  региональный вияҥмаш шотышто  правительственный  комиссийын  президиумжын  заседанийжым эртарен. Совешанийыште Марий Элым вуйлатыше Александр Евстифеев видеокыл режим  йöн дене участвоватлен.

Совещанийыште  молгунамсе семынак  национальный проект-влакым  илышыш шыҥдарыме, нуным кассовый йöн дене шуктымо, тыгак нацпроект-влакын  мероприятийлаштым 2022-2024 ийлан палемдыме лимит дене келшышышын финансироватлышашлан проектно-сметный документацийым  ямдылен шуктымо нерген  мутланыме.

Ты шотышто ушештарена: Марий Элыште тений 369,8 тўжем  кв. метр  илыме верым  ыштен шуктымо.  Январь-июньышто 156 тўжем кв. метр илыме верым пашаш колтымо, тидыже  кодшо ийысе тыгаяк жап дене таҥастарымше  108,5 процент лиеш.

«Олаште йöнан йырверкумдыкым ыштымаш»  федеральный  проект почеш  тений 85  кумдык тўзаталтеш. Ты шотыштак эн сай проект-влакым ончымо Всероссийский  конкурсышто сеҥышыш лекше проект-влакым  илышыш шыҥдарыме ужашыште  Марий Элыште кок проект  шукталтеш. Тиде – «Козьмодемьянск – историй, экологий да традиционный  культур  музей» да «Тумер: оласе культур да экологий  парк» проект-влак. Нине проектым шукташ кайыше роскотым петыраш  44,5  да 80 миллион теҥгем ойырымо.

Республикыште «Илаш йöрыдымö илыме вер фондым  ўшанлын иземден толмаш»  федеральный проектат  сайын шукталтеш.

 «Яндар вўд» федеральный проектым  шуктен толмо кышкарыште  2019-2024 ийлаште  йўшаш вўдым ситарен шогымо шотышто чылаже 586,1 миллион теҥгеаш объект-влакым чоҥымо да пужен уэмдыме  шумлык 18 мероприятийым  шукташ палемдыме. Тений Медведево районысо Пўкшерме, Шойбулак, Аэропорт, Пўнчерсола илемлашке вўдым пуэн шогымо  объектым  ыштен шуктымо . Чумыр ак 60 миллион теҥгеш шуын.  Объектым 29 июньышто пашаш колтымо. Кызыт  Волжский районысо Приволжский  да У Торъял поселкылаште вўдым ситарен шогымо объект-влак ышталтыт. 2023-2024 ийлаште  тыгай объект-влакым Звенигово, Юрино, Морко, У Торъял, Килемар районлаште ышташ палемдыме.

«Лўдыкшыдымö да сай качестван  корно» национальный  проектын кышкарыштыже тений 45 объектыште пашам шыктыман. Кызытсе жаплан Йошкар-Оласе ятыр уремыште  корным ыштыме паша шукталтеш. 6 км кужытан Яльчикский – Яльчик  да 4,18 км кужытан Картук – Микрак -  Васильсурск республиканский кўлешлыкан  тўшкан пайдаланыме  автомобиль корнылаште пашам мучашке шуктымо. 

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен