Марий Эл Республикым вуйлатышын организаций да аналитике виктемжын уверже-влак негызеш Л.Камалетдинова ямдылен.

Марий Эл Республикым вуйлатышын организаций да аналитике виктемжын уверже-влак негызеш Л.Камалетдинова ямдылен.
26.07.2021

22 июльышто   Марий Элым вуйлатыше Александр Евстифеев  Россий Федерацийыште  региональный вияҥмаш шотышто правительственный комиссий президиуымын  заседанийыштыже участвоватлен. Заседанийым  Россий правительстве  председательын  алмаштышыже  Марат Хуснуллин видеоконференций формат дене эртарен. Тушто корным ыштыме  сферыште мероприятийлам  шуктен толмо дене кылдалтше йодышлам  каҥашеныт.

Вице-премьер тыге ушештарен: кодшо арняште  Российын президентше  Владмир Путин Стратегический вияҥмаш да национальный проект-влак шотышто советын  заседанийжым эртарен. Тушто шуко направлений дене пашам ыштыме темпым  аклыме.

Корным  ыштыме да илыме верым чоҥымо шотышто ме сайын пашам ыштена, графикымат ончылтена, паша лектышна эсогыл  кодшо ийысе деч сайрак. Ты  шотышто чылалан таум каласыме шуэш. Социально-экономический  инициативе-влак дене келшышын, ме нацпроект-влакым  илышыш шыҥдараш полшышо   у направленийлам пеҥгыдемденна, каласен РФ правительстве председательын алмаштышыже.

Марий Элыште тений  корным чоҥымо шотышто 100% контрактым ыштыме. 2,3 миллиард теҥгеаш  пашам шуктымо, тидыже финансированийын  чумыр кугытшын  50 утла процентше лиеш.

Йошкар-Олаште  ятыр уремысе корным ыштен шуктымо. Тыгак тўшкан пайдаланыме республиканский кўлешлыкан  Яльчикский – Яльчик,  Картук – Микрак - Васильсурск  корнылаште пашам мучашлыме.

Тылеч посна «Лўдыкшыдымö да сай качестван корно»  нацпроект кышкарыште Александр Евстифеевын  кўштымыж почеш шушаш ийысе объект-влак шотышто чыла гаяк договорым ыштен шуктымо. 2023 ийлан палемдыме объект-влак шотышто 90% проектно-сметный документаций ямде.

Тыгеракын,  «Лўдыкшыдымö да сай качестван корно»  нацпроект шотышто  мероприятийлам  2023 ийыште  мучашлаш  палемдалтеш.

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен