Кум республик чекыште шочын

Кум республик чекыште шочын
10.07.2017
8 июльышто Волжскышто Олан кечыже палемдалтын. Тушко Александр Евстифеев миен.
 
 Регион вуйлатыше палемден: 77 ий ончыч кум республик чекыште шочшо Волжск ола марий кундемын промышленный рӱдышкыжӧ савырнен да республикын вий-куатшым почын пуаш полша.
 
- Россий Федерацийыште тиде ик эн самырык, а мемнан республикыште кугыт шот дене кокымшо ола. Тудын промышленностьым да аграрный секторым вияҥдаш сай йӧнжӧ уло. Тидыже самырык-влаклан шке талантыштым да моштымашыштым шочмо кундемыштак кучылташ кумылаҥда. Волжск умбакыжат вияҥшаш, - ойлен Александр Евстифеев.
 
Волжскышто илыше икмыняр еҥлан тыршен пашам ыштымыштлан пайрем кечын республикысе правительствын Чап грамотшым, Марий Эл вуйлатышын Тауштымашыжым кучыктеныт. Марий целлюлоз-кагаз комбинатын генеральный директоржо Александр Сташкевич гын «За заслуги перед Марий Эл» II степенян орден дене палемдалтын.
 
Тиде кечынак А.Евстифеев олан почетан еҥже-влак дене вашлийын. Тушто Волжск олам вияҥдыме дене кылдалтше пӱсӧ йодыш-влакым каҥашеныт, регион вуйлатышын пашажым шуктышо общественностьым тургыжландарыше йодыш-влаклан вашештен. Нуно кадровый политике, врачым ситарыме, индивидуальный предприниматель да ужалыше сеть-влакын конкуренцийышт, икмыняр моло дене кылдалтыныт.       
 
Марий Эл Республик Вуйлатышын мер кыл ден увер виктемже
Кусарымаш - Л.Камалетдинова (газет "Марий Эл")